Kuri uyu wa Mbere ni bwo Ikipe y’Ingabo z’igihugu izaba yakiriye umukino ifitanye na Rayon Sports, yashyize hanze ibiciro byawo ibinyujije ku mbuga nkoranyambaga.
Ahasanzwe hejuru ni 2000 Frw, ahasanzwe hasi hakaba 3000 Frw, Classic Seat hakaba 15000 Frw, VIP hakaba 30,000 Frw mu gihe VVIP ari 50,000 Frw. Business Suit ni ibihumbi 70,000, Executive Seat hakaba 100,000 Frw mu gihe Sky Box ari 2,000,000 Frw.
Uyu mukino uzaba ari uwo ku munsi wa karindwi wa shampiyona y’icyiciro cya mbere mu Rwanda ya 2025/2026 uzabera muri Stade Amahoro. Ugiye kuba aya makipe yombi nta n’imwe iri ku mwanya wa mbere ku rutonde rwa shampiyona.
Rayon Sports iri ku mwanya wa kabiri n’amanota 13 aho irushwa na Police FC iri ku wa mbere amanota 3 mu gihe APR FC yo iri ku mwanya wa n’amanota 8 gusa ikaba ifite ibirarane bibiri.
APR FC iheruka kunganya na Rutsiro FC 1-1 mu mukino wo ku munsi wa Gatandatu mu gihe Rayon Sports yo iheruka gutsinda Marine FC 1-0. Umukino uheruka guhuza aya makipe yombi byari ku mukino wa nyuma w’igikombe cy’Amahoro aho APR FC yatsinze ibitego 3-0.
Amatike y'umukino wa APR FC na Rayon Sports