Harimo gupfusha umwana we! Yampano yasobanuye ibibazo amaranye iminsi abiherekesha indirimbo “Nyabuneka”

Ibi byose bayabaye nyuma y’uko hagiye hanze amashusho y’urukozasoni ya Yampano n’uwahoze ari umufasha we, yatangiye gusakara mu ntangiriro z’ukwezi k’Ugushyingo.

Mu kiganiro na MI Empire, Yampano yavuze ko mu bibazo yahuye nabyo nyuma y’icyo gihe harimo kuba uwahoze ari umufasha we yananiwe kwiyakira hanyuma ahitamo ko batandukana.

Yagize ati: “Uwahoze ari umugore wange kwiyakira byaramunaniye. Biramunanira pe! Afata umwanzuro wo gutandukana nange. Nkubwijije ukuri, byaranshegeshe. Numvaga ariho hantu honyine nkwiye kwihisha turi babiri.”

Avuga ko yafashe umwanzuro wo gushaka umugore nyuma y'uko yari yarabuze ubunama bw'abo yabanaga nabo, afata umwanzuro wo gushaka umugore abizi neza ko naza mu buzima bwe bizaba bibi ariko yari yaratangiye kwiyima abo yabanaga nabo nubwo bari baraje mu buzima bwe.

Yavuze ko ubwo yajyaga i Burayi mu minsi yashize, yumvishe inkuru y’akababaro y’uko umwana we yitabye Imana ari nabwo yandikaga ku mbuga nkoranyambaga ze emoji irira.

Ati: “Uribuka kariya gafoto napostinze ndi kurira? Buriya nari ndi i Burayi, inkuru iba ingezeho ngo umwana wawe yitabye Imana. Ibi bintu biri kumbaho n’ibi birabaye? Ni izina ry’Imana kwihangana byarananiye, nari ndi mu ndege, kwifata biranga abantu bagira ngo ngiye kwiyahura ariko nasezeraga ku mwana wange ngo Aheza ni mu Ijuru.”

Avuga ko muri ubu buzima yumvaga ko umwana we ari we arimo arwanira, avunikira, ariko yagize ibyo byago byo kumubura, abimenya ari i Burayi.

Nyuma y’ibyo bibazo byose yanyuzemo, Yampano yakoze mu nganzo ashyira hanze indirimbo “Nyaboneka” asaba abantu gukomeza gukwirakwiza ibihuha bimuvugaho ndetse no gusiba ibyo babonye byose.

Yampano yasobanuye ibibazo amaranye iminsi ndetse n'uko umufasha we batandukanye

Reba indirimbo "Nyaboneka" ya Yampano yongeye gusabiramo abantu bose gusiba ibyo babonye no kumufasha kugaruka mu buzima bwiza