Aya masomo azamara amezi atandatu, atangire ku wa 1 Ugushyingo 2026, kandi azigishwa imbonankubone mu buryo bwibanda ku myitozo ngiro. Amasomo azabera ku Kicukiro-Niboye mu Mujyi wa Kigali. Kwandika abashaka kwiga aya masomo byaratangiye, ndetse imyanya isigaye ni mike.
GIZA Institute ni ikigo gitanga amahugurwa y’umwuga yibanda ku bumenyi bujyanye n’ibikenewe ku isoko ry’umurimo. Gihuza amasomo yo mu ishuri n’imyitozo ngiro, imishinga, isuzuma ry’ubumenyi, ubujyanama no guteza imbere ubushobozi bw’umunyeshuri mu mwuga.
Muri aya masomo azatangwa mu gihe cy'amezi atandatu, abanyeshuri bazamenya uburyo porogaramu zigezweho zikorwa, kuva ku ntangiriro kugeza ku musozo.
Bazatangira ku musingi w’imikorere ya software, harimo uburyo bwo gutegura no gucunga imishinga y’ikoranabuhanga, gukoresha Git, imikorere y’umuntu ukora software ndetse n’imyubakire y’ingenzi ya system.
Baziga kandi TypeScript, ndetse banakomereze ku gukora igice cya porogaramu abakoresha babona (frontend) hifashishijwe React, aho baziga ibijyanye na components, React Hooks, imicungire y’amakuru muri porogaramu, guhuza porogaramu na APIs ndetse no kuyitegura ku rwego rwo gukoreshwa mu buryo bw’umwuga.
Ku bijyanye n’igice cya porogaramu gikorerwamo ibikorwa bitagaragarira abantu bakoresha porogaramu (Backend), abanyeshuri baziga gukora no guteza imbere APIs, uburyo bwo kwemeza umwirondoro w’umuntu ukoresha porogaramu, kugena uburenganzira afite muri porogaramu ndetse no kurinda amakuru n’imikorere ya porogaramu.
Baziga kandi uburyo bwo kubika no gucunga amakuru (databases), gukoresha Linux, gucunga mudasobwa zikorerwaho imbuga na porogaramu (web servers), ndetse no gushyira porogaramu ku murongo kugira ngo ishobore gukoreshwa n’abayikeneye. Bazamenya kandi ibikoresho n’uburyo bw’ikoranabuhanga nka Docker na CI/CD, bifasha mu gutegura, kugerageza no gukomeza kunoza porogaramu.
GIZA Institute ivuga ko itazibanda gusa ku nyigisho zo mu ishuri, ahubwo abanyeshuri bazajya bahabwa imyitozo, assignments, ibizamini n’imishinga ibafasha gushyira mu bikorwa ibyo biga.
Mu mpera z’amasomo, abanyeshuri bazakora Capstone Project, umushinga wa nyuma uhuza ubumenyi baba barakuye mu byiciro bitandukanye by’amasomo. Intego ni uko barangiza bafite ibikorwa bifatika bashobora kugaragaza nk’ikimenyetso cy’ubushobozi bafite mu gukora software.
Aya masomo agenewe abanyeshuri bo muri kaminuza n’amashuri makuru biga Computer Programming cyangwa amasomo ajyanye na yo, abarangije ayo masomo ariko bashaka kongera ubumenyi ngiro, ndetse n’abasanzwe bakora mu bijyanye n’ikoranabuhanga bashaka kongera ubushobozi bwabo mu gukora software.
Umunyeshuri asabwa kuba afite mudasobwa igendanwa ishobora gukoreshwa mu gukora software, ndetse akaba yiteguye kugira uruhare mu myitozo, gukora assignments no gukurikira amasomo buri gihe.
Amasaha y’amasomo n’amafaranga y’ishuri
GIZA Institute yashyizeho gahunda zitandukanye kugira ngo n’abafite indi mirimo babashe kwiga.
- Kuwa Mbere–Kuwa Gatanu: Saa Mbiri - Saa Tanu (08:00–11:00) za mu gitondo
- Kuwa Mbere–Kuwa Gatanu: Saa Kumi n'Ebyiri - Saa Tatu (18:00–21:00) z’umugoroba
- Ku wa Gatandatu–Ku Cyumweru: Saa Mbiri - Saa Munani n'igice (08:00–14:30) za mu gitondo, harimo ikiruhuko cy’iminota 30.
Amafaranga y’amasomo yose ni 600,000 Frw, akaba ashobora kwishyurwa mu byiciro bya 100,000 Frw buri kwezi mu gihe cy’amezi atandatu. Igice cya mbere gisabwa igihe cyo kwiyandikisha kugira ngo umwanya w’umunyeshuri ubone kubikwa.
Kwiyandikisha byaratangiye
Abifuza kwiga aya masomo bashobora gutangira gahunda yo kwiyandikisha, aho babanza guhitamo amasomo, bakuzuza ifishi yo gusaba kwiga, ubusabe bwabo bugasuzumwa, hanyuma abujuje ibisabwa bakemererwa gutangira amasomo.
GIZA Institute ikorera mu Mujyi Kigali, Kicukiro-Niboye. Ukeneye andi makuru ku masomo bigisha n'uko wakwiyandikisha, wabahamagara kuri telefone zikurikira: +250 792 873 949 / +250 785 289 586. Ushobora kandi kubandikira kuri Email yabo: info@giza.rw cyangwa ugasura urubuga rwabo: www.giza.rw
GIZA Institute — “Build Skills. Build Projects. Build Your Career.”
GIZA Institute yatangiye kwandika abashaka kwiga amasomo y'ikoranabuhanga ya 'Full-Stack Software Development'