Uyu mukinnyi wa filime Gary Graham witabye Imana ku wa Mbere, yatabarutse ku myaka 73 nk'uko bitangazwa n'uwari umugore we abinyujije ku rubuga rwa Facebook.
Susan Lavelle wahoze ari umugore we, niwe watangaje iyi nkuru y'akababaro avuga ko se w'umwana we yitabye Imana agasiga agahinda mu mitima y'umuryango n'inshuti.
Ati" Birababaje cyane gutangaza ko Gary Graham wahoze ari umugabo wanjye yitabye Imana. Se w'umwana wanjye akaba igitangaza muri filime yashizemo umwuka ndetse njye n'umwana wanjye turababaye".
Uyu mugore yatangaje ko yahuye bwa mbere na Gary muri filime yiswe Alien Nation, ndetse agakundwa no mu zindi filime zamwubakiye izina zirimo All The Right Moves yahuriyemo n'ibyamamare nka Tom Cruise.
Inkuru dukesha Forbes ivuga ko yamusezeye agira ati "Igire mu Ijuru Gary! Warakoze ku bw'urugendo rwacu n'urwibutso wasize rwa filime wakinnye ndetse n'umwana mwiza twabyaranye".
Gary Graham yavutse tariki ya 6 Kamena 1950 muri Log Beach California muri America, yitaba Imana kuya 22 Mutarama 2024, akaba yarakunzwe muri filime zirimo The Spy Within, The Last Worrior, The Allogant, All The Right Moves, Robot Jox n'izindi.
Gary Graham yitabye Imana ku myaka 73