Ni mu birori
byabereye i Bangkok muri Thailand kuri uyu wa 21 Ugushyingo 2025. Fatima
Fátima
Bosch yagaragiwe n’ibisonga bine barimo: Praveenar Singh wari uhagarariye
Thailand wabaye Igisonga cya mbere, Stephany Abasali wo muri Venezuela wabaye
Igisonga cya kabiri, Ma Ahtisa Manalo wo muri Philippine wabaye Igisonga cya
gatatu, Olivia Yace wo muri Côte d’Ivoire wabaye igisonga cya Kane.
Fátima
Bosch wambitswe ikamba yavukiye i Santiago de Teapa, Tabasco muri Mexique. Yize
ibijyanye no guhanga imideli muri Universidad Iberoamericana i Mexique, yiga no
muri Nuova Accademia di Belle Arti i Milan ndetse anamara igihe muri Lyndon
Institute yo muri Leta Zunze Ubumwe za Amerika.
Mu
buto bwe, Bosch yakunze guhura n’ingaruka zo guterwa ubwoba no gushushanyirizwa
ku ishuri kubera kugira “dyslexia na ADHD”, ibintu avuga ko byamubereye intege
zo gukomera. Yatangiye urugendo rwo mu marushanwa y’ubwiza mu 2018 ubwo
yatwaraga ikamba rya Flor de Oro muri Tabasco.
Muri
Nzeri 2025, yanditse amateka yo kuba umukobwa wa mbere ukomoka mu Tabasco
utwaye ikamba rya Miss Universe Mexico, ahita amenyekana cyane ku mbuga
nkoranyambaga aho akunze gusangiza ubuzima bwe.
Yageze
ku rwego rwo kugira abarenga 990,000 bamukurikira kuri Instagram n’abarenga
690,000 kuri TikTok.
Abakobwa
bageze mu cyiciro cya nyuma cy’iri rushanwa ryabaga ku nshuro ya 74 harimo: Olivia Yacé (Miss Ivory Coast), Fátima Bosch (Miss
Mexico), Stephany Adriana Abasali Nasser (Miss Venezuela), Ahtisa Manalo (Miss
Philippines) na V Praveenar Singh (Miss Thailand).
Itsinda
rya Bosch ntiryari ryoroshye. Abakobwa bane gusa Lorena Lopez, Fernanda Puma,
Emiré Arellano na Elena Roldán ni bo bamwegereye bamuhoberera ngo bamwifurize
amahirwe amasa mu rugendo rushya.
Mu
kiganiro yagiranye na Us Weekly en Español, Bosch yagize ati:
Yongeyeho
ati: “Nta kintu na kimwe kizambuza kwishimira ikamba. Iyo ibintu nk’ibi
bikubayeho ukuze, wibuka wa mwana wabaga mu ishuri yumva usa n’urengana,
ariko ntitugomba guha abandi ububasha bwo kuduca intege. Iyo utsinze, uba
wabikoreye.”
Nubwo
atatwaye ikamba, Solange Tuyishime Keita yakoze amateka yo kuba umunyarwandakazi wa mbere witabiriye Miss Universe, ndetse akinjira mu bakobwa
30 babaye beza mu byiciro by’ibanze.
Fatima Bosch wo mu gihugu cya Mevique yegukanye ikamba rya Miss Universe 2025
Miss
Mexico Fatima Bosch nyuma yo kwegukana intsinzi mu irushanwa rya 74 rya Miss
Universe
Miss
Mexico ari mu cyiciro cyo kwiyerekana mu makanzu y’ijoro muri Miss Universe 2025
Miss
Venezuela, Miss Thailand na Miss Mexico bari bageze mu bakobwa batatu ba nyuma
bahatanira ikamba rya Miss Universe 2025
Miss
Thailand na Miss Mexico mbere y’uko hatangazwa umukobwa wegukanye ikamba rya
Miss Universe 2025
Miss
Mexico ari mu cyiciro cyo kwiyereka mu mwambaro wo kogana muri Miss Universe
2025
Miss
Mexico yambitswe ikamba na Miss Universe 2024, Victoria Kjr Theilvig Lillian
