French Open: Rafael Nadal uhabwa amahirwe yo kwegukana irushanwa yageze ku mukino wa nyuma

Kuri uyu wa gatanu tariki ya 3 Kamena 2022, hakinwe umukino wa ½ muri French Open 2022 wasize umuinya-Espagne Rafael Nadal ageze ku mukino wa nyuma bitamugoye nyuma yuko Alexander Zverev bari bahanganye avunikiye mu mukino.

Alexander Zverev wagoye cyane Nadal muri Seti ebyiri bakinnye yagize imvune yatumye asohoka mu kibuga acumbagira ahita anasezererwa mu irushanwa ry’uyu mwaka.

ISeti ya mbere yarangiye hitabajwe iminota y’inyongera nyuma y’uko bari bayisoje banganya amanota 6-6, inyongera yasize Nadal ari imbere n’amanota 10-8, mu gihe iseti ya kabiri bageze ku manota 6-6 nibwo Zverev yagize imvune ikomeye mu kagombambari ahita asohoka mu kibuga atwaye mu kagare.

Rafael Nadal azahura n’uwutsinda hagati y’Umunya-Norvege Casper Ruud n’Umunya-Korowasiya Marin ÄŒilić ku mukino wa nyuma wa French Open 2022.

Nimero ya 3 ku Isi mu mukino wa Tennis mu bagabo, Rafael Nadal niwe uhabwa amahirwe menshi yo kwegukana irushanwa ry’uyu mwaka nyuma yo gusezerera Roger Federer muri ¼.

Nadal yageze ku mukino wa nyuma muri French Open

Alexander wari wagoye cyane Nadal yavunitse umukino ugeze hagati asohoka mu kibuga