Hamilton, usanzwe utwara Scuderia Ferrari, ntabwo yitabiriye imyitozo ya mbere kuko Ferrari yahisemo gukoresha imwe mu myanya igenewe abashoferi bato (rookie) kugira ngo yubahirize amategeko ya Formula 1.
Mu myitozo ya kabiri, Hamilton yarangije ku mwanya wa cyenda, asigara inyuma ya mugenzi we Charles Leclerc wari ku mwanya wa kane. Ferrari yari yazanye impinduka nini ku modoka yayo i Barcelona, ariko Hamilton yavuze ko bakiri kure y’amakipe ari imbere.
Ku ruhande rwa Verstappen, watwaye imyitozo yose uko ari ibiri, na we ntabwo yishimiye uko imodoka ya Red Bull Racing uko imeze. Gusa verstappen yavuze ko bafite akazi kenshi ko gukora mbere y’uko hakinwa amatora y’imyanya yo gutangira isiganwa izwi nka "qualifying."
Nubwo Hamilton na Verstappen bagize ibibazo, Lando Norris na McLaren F1 Team bagaragaje imbaraga. McLaren yasaga n’aho yongeye gusubira ku rwego yari iriho muri Miami, aho yari ikomeye cyane. Norris yatangaje ko imodoka yabo isa n’aho yongeye gukora neza ku kibuga cya Barcelona.
Naho mugenzi we McLaren, Oscar Piastri, wari uwa gatatu mu myitozo ya kabiri, yavuze ko intego ari ugukomeza uwo murongo. hagati aho, Kimi Antonelli wa Mercedes na we yagize umunsi utari woroshye.
Uyu musore ukiri muto yavuze ko amapine ashyuha cyane kandi ko kubona équilibre nziza y’imodoka bigoye. Uyu musore kandi akomeje no kuyobora urutonde mbere y'iyi Grand Prix.