Iyi
filime yakozwe binyuze muri Zion Films Company, yitabiriye imurikabikorwa bya
filime ku migabane itandukanye irimo Afurika, Uburayi, Aziya, Amerika
y’Amajyaruguru ndetse na Amerika y’Epfo, ikaba yaragaragajwe nk’ikorwa rifite
ubutumwa bukomeye ku mateka n’ejo hazaza h’u Rwanda.
Mu
bihugu iyi filime yamaze kwerekanwamo harimo u Buyapani, Brazil, u Butaliyani,
u Bwongereza, Leta Zunze Ubumwe za Amerika, Canada, Maroc, Uganda n’u Buhinde.
“Beyond
the Genocide” imaze no kwegukana ibihembo bitandatu mpuzamahanga, bikomeza
gushimangira ubuziranenge n’uburemere bw’ubutumwa itanga.
Muri
uyu mwaka, iracyakomeje urugendo rwayo mu maserukiramuco akomeye arimo International
Police Award Arts Festival (mu Butaliyani), Native Spirit Festival (u
Bwongereza), Premio Carpine Visciano (u Butaliyani), Bedford International Film
Festival (muri USA) ndetse na International Film Festival of Shimla for
Documentary (mu Buhinde).
Uretse
kwitabira amasoko ya filime, iyi filime ifite n’uruhare rukomeye mu burezi no
gusakaza amateka y’u Rwanda. Binyuze mu kigo GOOD DOCS gishinzwe
kuyikwirakwiza, “Beyond the Genocide” imaze kugera ku banyeshuri barenga
700,000 hirya no hino ku Isi.
Iyi filime igamije gutanga ishusho y’u Rwanda rushingiye ku kwibuka, ubwiyunge no gukomera nyuma y’amateka akomeye ya Jenoside yakorewe Abatutsi mu 1994. Ikomeje gufasha abatuye Isi kumva neza urugendo rw’u Rwanda rwo kwiyubaka no kubaka amahoro arambye.
Filime “Beyond The Genocide” imaze gutoranywa mu maserukiramuco arenga 20