Nk'uko bitangazwa na Rolling Stone, impeshyi ya 2026 izaba yuzuye filime zinyuranye zifite inkuru zikomeye, amarangamutima, ibikorwa n’ubuhanga bwo guhanga. Kuva ku 'superheroes' kugeza ku nkuru z’ubuzima busanzwe, buri wese azasangamo filime imushimisha.
Dore filime 30 zitegerejwe cyane muri iyi mpeshyi:
1. The Devil Wears Prada 2: Ni igice gishya gikomeza inkuru y’isi y’imyambarire n’akazi katoroshye. Igarura abakinnyi bakomeye nka Meryl Streep na Anne Hathaway, ikagaruka ku mbaraga n’ihiganwa mu kazi ka fashion.
2. Hokum: Filime y’ubwoba ibera mu nzu yo mu Ireland yuzuyemo amayobera n’imbaraga zidasobanutse.
3. Billie Eilish: Hit Me Hard and Soft: Filime y’iserukiramuco yerekana ubuzima bwa Billie Eilish ku rubyiniro, iyobowe na James Cameron.
4. Obsession: Inkuru y’umusore ukunda umukobwa bikarangira urukundo ruhindutse indwara y’ukwifuza gukabije.
5. I Love Boosters: Filime y’isebanya ivuga ku bujura bugezweho n’ubuzima bwo mu mujyi wa Oakland.
6. The Mandalorian and Grogu: Inkuru nshya ya Star Wars ikomeza urugendo rwa Mandalorian arengera Grogu mu isanzure.
7. Passenger: Abagenzi mu modoka bahura n’imbaraga z’umwijima zibatunguye mu rugendo rwabo.
8. Tuner: Umusore ufite impano yo gutunganya piano akayihindura inzira yo kwinjia mu bujura bukomeye.
9. Backrooms: Filime iteye ubwoba ivuga ku nzu zisa n’izitagira iherezo aho abantu bazimira.
10. The Breadwinner: Inkuru y’umugabo usigaye mu rugo arera abana nyuma y’uko umugore atangiye ubucuruzi.
11. Pressure: Filime ishingiye ku Ntambara ya II y’Isi igaragaza uruhare rw’ikirere mu gufata ibyemezo bikomeye.
12. Master of the Universe: He-Man agaruka mu ntambara nshya yo kurengera isanzure.
13. Power Ballad: Inkuru y’abahanzi babiri bahurira mu ndirimbo igahindura ubuzima bwabo.
14. Scary Movie: Filime isetsa kandi ikigana mu buryo bwo gukabiriza filime z’ubwoba, igaragaza ibintu byazo mu buryo busetsa, igarura n’abakinnyi bayo ba kera.
15. Disclosure Day: Filime ya Steven Spielberg ivuga ku isi ihura n’itangazo ry’uko habaye contact n’abanyamahanga.
16. The Death of Robin Hood: Inkuru nshya ya Robin Hood mu bihe bye bya nyuma, yerekana intwari ihindutse umuntu usanzwe.
17. Leviticus: Inkuru y’urukundo rujyana n’ivangura n’imbaraga z’umwijima.
18. Maddie’s Secret: Inkuru y’umuntu uzwi ku mbuga nkoranyambaga uhangana n’ibibazo by’ubuzima bwo mu mutima.
19. Toy Story 5: Woody na Buzz bahura n’ikoranabuhanga rishya rihindura uko abana bakina.
20. The Invite: Inama y’inshuti ebyiri ihinduka intambara y’amagambo n’amabanga.
21. Jackass: Best and Last: Ni igice cya nyuma cy’uruhererekane ruzwiho ubusazi n’urwenya rudasanzwe.
22. Supergirl: Inkuru ya Kara Zor-El, umukobwa wa Superman, urengera isi mu nshingano zikomeye.
23. Gail Daughtry and the Celebrity Sex Pass: Inkuru ivuga ku mibanire y’abantu bazwi n’ibibazo by’urukundo n’icyifuzo.
24. Moana (Live Action): Inkuru izwi ya Moana igaruka mu isura y’abantu nyabo.
25. The Odyssey: Filime ya Christopher Nolan ishingiye ku rugendo rwa Odysseus mu Bugereki bwa kera.
26. Rosebrush Pruning: Inkuru y’umuryango ugerageza kwiyubaka nyuma y’akaga gakomeye.
27. I Want Your Sex: Filime ivuga ku mibanire y’urukundo n’icyifuzo mu buzima bugezweho.
28. Spider-Man: Brand New Day: Peter Parker atangira ubuzima bushya mu isi itamwibuka.
29. Late Fame: Inkuru y’umusizi wigeze kumenyekana ugaruka gushaka icyubahiro cye.
30. One Night Only: Inkuru y’urukundo rutunguranye ruva ku isangano ry’abantu babiri mu ijoro rimwe gusa