Ku Cyumweru nibwo ikipe y'igihugu ya Espagne yatsinda Georgia ibitego 3-1 mu gushaka itike y'imikino ya Euro 2024 izabera mu Budage.
Muri uyu mukino bigeze ku munota wa 26 gusa umukinnyi ukina mu kibuga hagati wa Espagne, Gavi yavuye mu kibuga agize ikibazo cy'imvune ikomeye ahita asimburwa na Oihan Sancet.
Kuwa Mbere nibwo ikipe ya FC Barcelona yemeny ko yavunitse bikomeye ndetse akaba ashobora no kumara amezi 8 adakandagira mu kibuga, ubwo bivuze ko ashobora kumara uyu mwaka w'imikino wose atagarutse mu kibuga ndetse ntazanakine imikino ya Euro.
Kuri ubu FIFA igiye kujya yishyura impozamarira ikipe ya FC Barcelona bitewe nuko uyu mukinnyi yavunikiye mu mikino y'ikipe y'igihugu.
Biteganyijwe FIFA izatangira kwishyura iyi kipe taliki 16 z'ukwezi gutaha ikaba izishyura agera kuri miliyoni 7.5 z'amapawundi muri rusange kugeza akize.
FIFA igira itegeko rivuga ko iyo umukinnyi avunikiye mu mikino y'ikipe y'igihugu akamara hanze iminsi irenga 28 iba agomba guha indishyi ikipe ye asanzwe akinira kugira ngo bayifashe no kumuhemba.
Gavi ugiye kumara amezi 8 adakandagira mu kibuga
Gavi yavuye mu kibuga arira ku mukino Ikipe ye y'igihugu ya Espagne yatsindagamo Georgia
FIFA igiye kujya iha impozamarira ikipe ya FC Barcelona bitewe na Gavi wavunitse by'igihe kirekire