Iyi kipe itozwa na Vincent Kompany yabigezeho kuri iki Cyumweru nyuma yo gutsinda Stuttgart ibitego 4 kuri 2 kuri Allianz Arena.
FC Bayern Munich yahize igira amanota 79 aho irusha Borussia Dortumund iyikurikiye amanota 15 mu gihe habura imikino ine ngo shampiyona irangire.
Iki ni igikombe cya 35 cya shampiyona iyi kipe yegukanye mu mateka. FC Bayern Munich nubwo itwaye igikombe ariko iracyafite agahigo irimo irarwana nako ko gutsinda ibitego byinshi mu mwaka w’imikino.
Kugeza ubu imaze gutsinda ibitego 109 aho biruta ibindi byinshi yari yarigeze gutsinda mu mateka yayo bingana na 101 mu mwaka w’imikino wo mu 1971/1972.
Niramuka itsinze ibitego 126 izahita ikuraho agahigo ko gutsinda ibitego byinshi mu mwaka umwe w’imikino muri shampiyona y’u Budage dore ko gasanzwe gafitwe na Torino yatsinze ibitego 125 mu mwaka w’imikino wa 1947/1948.
Biracyashoboka ko kandi iyi kipe yatwara ‘treble’ dore ko iheruka gukatisha itike ya 1/2 cya UEFA Champions League ndetse ikaba yarageze no ku mukino wa nyuma w’igikombe cy’igihugu aho izakina na Bayer Leverkusen.
FC Bayern Munich yegukanye igikombe cya shampiyona cya 2025/2026