Euro 2024: Uhanzwe amaso ni Kylian Mbappe! Byinshi ku itsinda D ririmo na Robert Lewandowski

Harabura iminsi ine gusa, mu Budage hakabera ibirori bya ruhago mu irushanwa rya Euro benshi badatinya kuvuga ko ari ryo rikurikirwa na benshi nyuma y'igikombe cy'Isi. Iyi mikino izakinwa ku nshuro ya 17, izatangira gukinwa tariki ya 14 Kamena, kugeza tariki 14 mu kwezi kwa Nyakanga. 

Muri rusange irushanwa rya Euro rigizwe n'amatsinda 6, gusa itsinda D ari ryo rya Kane, ni ryo tugiye kugarukaho. Ni itsinda ririmo ikipe y'igihugu y'u Bufaransa, u Buhorandi, Pologne na Austria.

1. Ubuhorandi

U Buhorandi ni ikipe y'igihugu ihabwa amahirwe yo kuzarenga amatsinda mu itsinda D, gusa ntabwo biteganyijwe ko bwaza imbere y'u Bufaransa.

Muri Euro ya 2024, abasesenguzi bagaragaza ko Ubuhorandi buramutse burebye nabi, bushobora kuzasezererwa butarenze umutaru, kubera ko Pologne ya Robert Lewandowski, ishobora kuzabuca mu rihumye.

Iyi Euro izabera mu Budage, yibutsa byinshi ku ikipe y'igihugu y'u Buhorandi, kubera ko Euro u Buhorandi buheruka kwegukana bwayikuye mu Budage.

Mu 1988, ni bwo ikipe y'igihugu y'u Buhorandi yegukanye Euro yakinirwaga mu Budage, icyo gihe batsinze Leta Zunze Ubumwe z'Abasoviyete ibitego bibiri ku busa. Ronald Koeman utoza u Buhorandi kuri ubu azi uburyohe bw'iyo Euro yo mu Budage kubera ko icyo gihe yari umukinnyi.

Ubuhorandi bufite iki gikombe inshuro imwe, amateka naramuka yisubiyemo bakegukana Euro yo mu Budage, bazaba bagize Euro ya kabiri.

Abakinnyi Ubuhorandi buzifashisha muri Euro ya 2024 

Abazamu: Justin Bijlow (Feyenoord), Mark Flekken (Brentford), Bart Verbruggen (Brighton)

Ba myugariro: Nathan Ake (Manchester City), Daley Blind (Girona), Stefan de Vrij (Inter Milan), Lutsharel Geertruida (Feyenoord), Denzel Dumfries (Inter Milan), Matthijs de Ligt (Bayern Munich), Jeremie Frimpong (Bayer Leverkusen), Micky van de Ven (Tottenham Hotspurs), Virgil van Dijk (Liverpool)

Abakinnyi bo mu kibuga hagati: Frenkie de Jong (Barcelona), Ryan Gravenberch (Liverpool), Teun Koopmeiners (Atalanta), Tijjani Reijnders (AC Milan), Jerdy Schouten (PSV Eindhoven), Xavi Simons (RB Leipzig), Joey Veerman (PSV Eindhoven), Georginio Wijnaldum (Al Ettifaq)

Ba rutahizamu: Steven Bergwijn (Ajax), Brian Brobbey (Ajax), Memphis Depay (Atletico Madrid), Cody Gakpo (Liverpool), Donyell Malen (Borussia Dortmund), Wout Weghorst (Hoffenheim)

 2. Ubufaransa

U Bufaransa burangajwe imbere n'umutoza Didier Deschamps, buri ku isonga mu bihugu bihabwa amahirwe ari muri 90% yo kwegukana Euro ya 2024.

Ubufaransa bwa Kylian Mbappe, impamvu ituma buhabwa amahirwe, ni uko mu myaka itanu ishyize, bwagaragaje ko bufite abakinnyi babufasha gukina imikino ibiri ya nyuma mu gikombe cy'Isi. Bufite kandi abakinnyi bato beza banyotewe no gutwara ibikombe bikomeye.

Ubufaransa muri iri rushanwa ni igihugu gikomeye cyane, kubera ko cyaritwaye inshuro ebyiri mu mikino ya nyuma itatu iki gihugu cyakinjye. Mu 1984 no mu 2000, Ubufaransa bwegukanye Euro, naho muri 2016 bwatsindiwe ku mukino wa nyuma, ubwo batsinzwe na Portugal ya Cristiano Ronaldo.

Abakinnyi Ubufaransa buzifashisha muri Euro ya 2024 

Abazamu: Alphonse Areola (West Ham United), Mike Maignan (AC Milan), Brice Samba (Lens)

Ba myugariro: Jonathan Clauss (Marseille), Ibrahima Konaté (Liverpool), William Saliba (Arsenal), Jules Koundé (Barcelona), Theo Hernández (AC Milan), Ferland Mendy (Real Madrid), Benjamin Pavard(Internazionale), Dayot Upamecano (Bayern Munich)

Abakinnyi bo mu kibuga hagati: N'Golo Kanté (Al Ittihad), Eduardo Camavinga (Real Madrid), Adrien Rabiot (Juventus), Antoine Griezmann (Atlético de Madrid), Aurélien Tchouaméni (Real Madrid), Warren Zaïre-Emery (Paris Saint-Germain), Youssouf Fofana (AS Monaco)

Ba rutahizamu: Kylian Mbappé (Real Madrid), Bradley Barcola (Paris Saint-Germain), Ousmane Dembélé (Paris Saint-Germain), Kingsley Coman (Bayern Munich), Marcus Thuram (Internazionale), Randal Kolo Muani (Paris Saint-Germain), Olivier Giroud (Los Angeles FC).

3. Austria

Ikipe y'igihugu ya Austria ntabwo ihabwa amahirwe menshi yo kuzamuka muri iri tsinda, kubera ko izi neza ko iri kumwe na Pologne ya Robert Lewandowski, Ubufaransa bwa Kylian Mbappe n'u Buhorandi bwa Kody Gakpo.

Muri Euro ya 2020 yakinwe muri 2021 kubera COVID-19, Australia mu mateka yayo yarenze amatsinda ya Euro, gusa gukomeza ngo igere kure ntabwo byayikundiye kuko yakuwemo n'u Butaliyani bwegukanye iki gikombe.

Ikipe y'igihugu ya Austria, nubwo idahabwa amahirwe yo kuzagira icyo ikora mu itsinda irimo, yiringiye umutoza wayo Ralf Rangnick, umutoza wananyuze muri Manchester United. Mu minsi ishyize, Ralf Rangnick yanze akazi ko gutoza Bayern Munich, ahitamo gukomezanya na Austria yari yamaze guhesha uburenganzira bwo kuzakina Euro.

Abakinnyi Austria izifashisha muri Euro ya 2024 

Mu izamu: Heinz Linder (Union Saint-Gilloise), Patrick Pentz (Brøndby), Niklas Hedl (Rapid Vienna)

Ba myugariro: Maximilian Wöber (Borussia Mönchengladbach), Kevin Danso (Lens), Stefan Posch (Bologna), Leopold Querfeld (Rapid Wien), Phillipp Mwene (Mainz), Philipp Lienhart (SC Freiburg), Gernot Trauner (Feyenoord), Flavius Daniliuc (FC Salzburg), Nicolas Seiwald (Leipzig)

Abakinnyi bo mu kibuga hagati: Alexander Prass (Sturm Graz), Marcel Sabitzer (Borussia Dortmund)Florian Grillitsch (Hoffenheim), Christoph Baumgartner (Leipzig), Konrad Laimer (Bayern Munich), Florian Kainz (Köln), Andreas Weimann (West Bromwich Albion)

Ba rutahizamu: Romano Schmid (Werder Bremen), Matthias Seidl (Rapid Vienna), Marko Arnautović (Internazionale), Patrick Wimmer (Wolfsburg), Marco Grull (Rapid Wien), Michael Gregoritsch (Freiburg), Maximilian Entrup (Hartberg).

 4. Pologne

Ikipe y'igihugu ya Pologne, yageze mu mikino ya Euro izabera mu Budage ibikesheje gusenga, kubera ko byayisabye gukina imikino ya Playoffs na Wales, ibyo bidahagije, isezerera Wales kuri Penaliti.

Nubwo ikipe y'igihugu ya Pologne ihabwa amanota menshi yo kwitabira Euro inshuro nyinshi, amanota aba make mu mikino iki gihugu gikina kigeze muri Euro. Amateka agaragaza ko Euro eshanu zose ziheruka gukinwa, Pologne yarazitabiriye, gusa iyi kipe mu mikino 14 iheruka gukina muri Euro, yatsinzemo imikino ibiri gusa.

Biragoranye ko niba Pologne yitwara gutya iyo igeze muri Euro, izabasha kwikura mu itsinda rya D ririmo Ubuhorandi, Ubufaransa, Austria na Pologne. Euro 2024 ishobora kuba ariyo ya ya nyuma Pologne ikinanye na Kapiteni wayo Robert Lewandowski, umukinnyi wakinnye imikino 11 ya Euro, akaba yanatsinzemo ibitego bitanu.

Abakinnyi Pologne izifashisha muri Euro ya 2024 

Abazamu: Wojciech SzczÄ™sny (Juventus), Łukasz Skorupski (Bologna), Marcin BuÅ‚ka (Nice)

Ba myugariro: Jan Bednarek (Southampton), Bartosz BereszyÅ„ski (Empoli), Jakub Kiwior (Arsenal), Tymoteusz Puchacz (Kaiserslautern), Bartosz Salamon (Lech Poznan), PaweÅ‚ Dawidowicz (Hellas Verona), Sebastian Walukiewicz (Empoli), Kamil Grosicki (PogoÅ„ Szczecin), Piotr ZieliÅ„ski (Napoli)

Abakinnyi bo mu kibuga hagati: PrzemysÅ‚aw Frankowski (Lens), Sebastian SzymaÅ„ski (Fenerbahçe), Jakub Moder (Brighton & Hove Albion)Damian SzymaÅ„ski (AEK Athens), Nicola Zalewski (AS Roma), Bartosz Slisz (Atlanta United), MichaÅ‚ SkóraÅ› (Club Brugge)

Ba rutahizamu: Jakub Piotrowski (Ludogorets), Taras Romanczuk (Jagiellonia BiaÅ‚ystok), Kacper UrbaÅ„ski (Bologna), Robert Lewandowski (Barcelona), Karol Åšwiderski (Hellas Verona), Krzysztof PiÄ…tek (Ä°stanbul BaÅŸakÅŸehir), Adam Buksa (Antalyaspor).