Urubanza rwa Eric Semuhungu rwabaye ku wa Kabiri tariki ya 28 Mata 2026 ku rukiko rw'ibanze rwa Kicukiro rubera mu muhezo.
Kuri uyu wa Mbere tariki ya 04 Gicurasi 2026, urukiko rw'ibanze rwa Kicukiro rwasomye imyanzuro y'urukiko rutegeka ko Eric Semuhungu afungwa iminsi 30 y'agateganyo mu gihe iperereza rikomeje.
Mu mpamvu urukiko rwashingiyeho, rwasanze hari impamvu zikomeye zo gucyekwaho icyaha cyo gusambanya undi ku gahato hashingiwe ku buhamya bwa Mama Junior ndetse Eric Semuhungu akaba avuga ko basambanye.
Nubwo abyemera, Semuhungu avuga ko bari babyemeranyijeho bityo ko atabasambanyije ku gahato. Mu isesengura ry'urukiko, basanze iyo biza gukorwa ku bwumvikane batari kumurega.
Indi mpamvu ni ku cyaha cyo gusakaza amashusho y'urukozasoni nubwo Semuhungu Eric abihakana ariko basanze 'Group' 4 za Whatsapp muri telefone ye zanyuzwagamo amashusho y'urukozasoni.
Urukiko rw'ibanze rwa Kicukiro rwasanze nta mpamvu zikomeye zo kumucyekaho icyaha cyo gukangisha gusebanya.
Nyuma yo gusuzuma ibyo byose, rwanzuye ko Eric Semuhungu afungwa iminsi 30 y'agateganyo.