Amezi
agiye gushira ari atanu Element yimukiye muri Leta Zunze Ubumwe za Amerika aho
yagiye agahita atangira gushaka ibyangombwa bimwemerera kuhakorera.
N’ubwo
yatangiye inzira zo gushaka ibyangombwa byo kuhakorera byemewe n’amategeko,
Element yakomeje ibikorwa by’umuziki we harimo 'production' ndetse n’ubuhanzi.
Mu
rwego rwo gutegura ko album ye ateganya gushyira hanze mu minsi iri imbere yaba
idasanzwe, Element yamaze gukorana indirimbo na NeYo mu buryo bw’amajwi bikaba
byararangiye ubu hasigaye gufata amashusho yayo.
Uwahaye
amakuru Inyarwanda.com ahamywa n’amashusho aba bombi bari kumwe, yavuze ko
ibikorwa byo gufata amajwi byarangiye kandi ko byikorewe na Element n’ubo NeYo
nka producer nawe yamuhaye ibitekerezo.
Shaffer
Chimere Smith, wavutse ku wa 18 Ukwakira 1979, yamamye nka Ne-Yo akaba ari umuhanzi
w’indirimbo za R&B, umwanditsi wazo ndetse n’umukinnyi wa filime wo muri
Leta Zunze Ubumwe za Amerika.
Yamenyekanye
cyane mu muziki guhera mu 2006 ubwo yasohoraga album ye ya mbere In My Own
Words irimo indirimbo yakunzwe cyane “So Sick”, nyuma yo gutangira izina rye
nk’umwanditsi wandikiye abandi bahanzi indirimbo zakunzwe nka “Let Me Love
You”.
Ne-Yo
azwi mu ndirimbo nka “Miss Independent” na “Because of You”, kandi yanandikiye
abahanzi bakomeye nka Rihanna na Beyoncé indirimbo zakunzwe ku Isi hose.
Uretse kuririmba, akora no mu bindi bijyanye n’imyidagaduro nk’ikinamico n’ubwanditsi bw’indirimbo, ndetse yegukanye ibihembo bya Grammy inshuro eshatu, bituma aba umwe mu bahanzi bafite izina rikomeye mu njyana ya R&B ku Isi.
NeYo na Element basoje gufata amajwi y'indirimbo yabo izagaragara kuri album ya Element