Eco Arts Decor ni ho ihera igaragara nk’igisubizo cyizewe ku bantu bose bashaka guhindura aho baba cyangwa bakorera, bakahagira ahantu hatanga ituze, huje ubwiza n’icyubahiro. Izwiho ubuhanga buhanitse muri "interior design" [gutegura no kunoza imbere mu nzu ku buryo iba nziza, iteye amabengeza kandi ikurura buri wese].
Eco Arts Decor bamaze kuba ubukombe mu kurimbisha imbere h'inyubako zitanduanye, bakora imitako n'ibintu bitandukanye birimo ameza yo mu nzu (ayo mu birahure n’ayo mu mbaho), ibikoresho byo mu gikoni, ibitanda, 'garde de robe', 'furniture' zitandukanye, n’indi mitako yose ihindura inzu igasa n’iyubatswe n’ubuhanzi.
Si aho bigarukira, kuko banatanga na serivisi z’ingenzi zirimo gutegura uko umwanya w’imbere ukoreshwa neza [Space Planning], kunoza no guteza imbere igishushanyo cy’inzu [Design Development], gukora ibishushanyo bigaragaza inzu mu buryo bw’ikoranabuhanga (3D);
Gukurikirana no kuyobora imishinga [Project Management], gushyira hasi ibikoresho by’imbaho bigezweho (laminate flooring), ndetse no gutanga ibisubizo byihariye [Custom design solution] bijyanye n’ibyifuzo bya buri mukiliya.
Intero yabo igira iti: “We Describe it, we design it” — bisobanuye ko icyo utekereza cyose, bo bagishyira mu bikorwa kikagaragara neza kurusha uko wabitekerezaga. Ni bo bahindura inkuta zisanzwe zikaba ibihangano (masterpieces).
Kurimbisha inzu bifite akahe kamaro ku bantu?
Inzobere zitandukanye mu by’imitekerereze n’imibereho y’abantu zigaragaza ko aho umuntu ari hagira uruhare runini ku mitekerereze ye. Albert Mehrabian yagaragaje ko ibidukikije birimo amabara, imiterere y’inzu n’imitako bifite ingaruka ku marangamutima y’umuntu, bishobora kumwongerera ibyishimo cyangwa bikamuteza 'stress'.
Undi muhanga mu by’ubwubatsi n’imiterere y’aho abantu baba, Ilse Crawford, yavuze ko “aho uba cyangwa ukorera hagomba gutuma wiyumva neza, ugatekereza neza kandi ukagira ubuzima bufite ireme.” Ibi bisobanura ko inzu nziza cyangwa hotel itatse neza ituma abantu bayigana bumva bashaka kuhaguma igihe kirekire.
Ku bijyanye n’ubucuruzi, cyane cyane za hotel na apartment, uko aho hantu hasa neza bigira uruhare rukomeye mu gukurura abakiliya. Martin Lindstrom, inzobere mu bijyanye na branding, yagaragaje ko abantu akenshi bafata ibyemezo bashingiye ku byo babona n’amarangamutima bibatera.
Ibi bisobanura ko iyo hotel cyangwa apartment itatse neza kandi igaragara neza, ihita ikurura umutima w’umukiliya, akayihitamo vuba atiriwe atekereza cyane. Iyo winjiye ahantu hateguwe neza, uba winjiye mu kindi cyiciro cy’ubuzima: umutima uraruhuka, ibitekerezo bigatuza, kandi n’umubiri ugahita wiyumva mu mutuzo.
Ni yo mpamvu Eco Arts Decor itareba gusa gutaka, ahubwo ireba uko aho hantu hazagira ingaruka nziza ku muntu uhageze. Bitewe n’ubu buhanga, Eco Arts Decor yiteguye gukorana n’abantu batandukanye — abafite inzu zisanzwe, apartments, ama hotel, luxury homes n’abandi bose bashaka guhindura aho batuye cyangwa bakorera bakahagira ahantu hihariye.
Gukorana na bo ni intambwe igana ku buzima bwiza, aho uba uri mu mwanya uhuye n’indoto zawe. Bamwe mu bantu b'ibyamamare mu myidagaduro yo mu Rwanda bazi neza ubuhanga bwa Eco Arts Decor, barimo umunyamakuru akaba n'umuhanzi Austin Tosh Luwano uzwi nka Uncle Austin, ndetse na Miss Rwanda 2020 Miss Nishimwe Naomie hamwe n'umugabo we.
Eco Arts Decor bakorera i Remera mu Mujyi wa Kigali, hafi ya Giporoso (kwa Agnes, KG 127 Street), kandi ushobora kubageraho wifashishije telefone yabo: 0785154909. Ushobora no kubasanga ku mbuga nkoranyambaga za Instagram na TikTok ukoresheje izina eco_arts_decor.
Mu isi aho isura y’aho uba cyangwa ukorera igira uruhare ku buzima bwawe n’iterambere ryawe, guhitamo Eco Arts Decor si ugutaka gusa — ni uguhindura ubuzima bwawe, ugaha agaciro aho uba, kandi ugasiga isura itazibagirana ku bantu bose bahagera.
Eco Arts Decor izwiho ubuhanga buhanitse mu gutaka no gutunganya imbere mu nzu ku buryo iba nziza
Eco Arts Decor izanye igisubizo ku bifuza kurimbisha inzu, apartment na hotel mu mitako iteye amabengeza
Mbere y'uko Eco Arts Decor batangira kurimbisha iyi nzu, ni gutya yari imeze
Ubwo Eco Arts Decor bari bamaze gukora "Design" y'uko bazatanganya imbere mu nzu
Nyuma y'uko Eco Arts Decor irimbishije iyi nzu ni gutya isa
Eco Arts Decor batanga serivisi zitandukanye yaba ku mazu y'abantu, apartments ndetse na hotel