Iyi beti yayishyize ku rubuga rwa Stake, aho bigaragara ko naramuka atsindiye iyi pari yahabwa Miliyoni 5.1 z’Amadolari.
Nk'uko byatangajwe na Stake binyuze ku rubuga rwa X, Drake yahisemo gushyigikira Argentina mbere y'uyu mukino utegerejwe na benshi, ibintu byahise bitangira kuvugisha abakunzi b'umupira w'amaguru bitewe n'amateka ye yo gutega ku mikino ikomeye.
Si ubwa mbere Drake ashyize amafaranga menshi kuri Argentina. Mbere y'umukino wa nyuma w'Igikombe cy'Isi cya 2022 wabereye muri Qatar, na bwo yari yateze miliyoni 1$ ko Argentina ya Lionel Messi yegukana igikombe, ibintu byaje gusohora nyuma yo gutsinda u Bufaransa kuri penaliti.
Drake azwi cyane mu gutega amafaranga menshi ku mikino itandukanye, by'umwihariko umupira w'amaguru, basketball ndetse na UFC. Gusa, yakunze no guhura n'ibihombo bikomeye, ari na byo byatumye havuka imvugo izwi nka "Drake Curse", aho benshi bavuga ko ikipe cyangwa umukinnyi ashyigikiye akenshi birangira atsinzwe.
Mu mwaka wa 2024, yigeze no gutakaza ibihumbi 300 by'Amadolari ateze ko Canada irasezerera Argentina muri Copa America, ariko Argentina itsinda 2-0 ndetse iza no kumunenga ku mbuga nkoranyambaga.
Kuri iyi nshuro ariko, Drake yahisemo kongera kwizera Argentina, izakina na Espagne ku Cyumweru mu mukino wa nyuma uzabera kuri MetLife Stadium muri New Jersey, aho ibihugu byombi bishaka kwandika amateka mashya. Argentina iri gushaka kwegukana Igikombe cy'Isi inshuro 2 zikurikiranya, mu gihe Espagne ishaka kongera kucyegukana nyuma y'intsinzi yo mu 2010.
Argentina yongeye kugirirwa icyizere na Drake washyizeho miliyoni 1.5$
Drake yongeye gutega akayabo kuri Argentina, ashobora kwinjiza Miliyoni 5.1$