Mu kiganiro yagiriye kuri Stake livestream, Drake yavuze ku bahanzi bagenda basohora album nyinshi mu gihe gito, ku buryo bishobora kumera nk’aho ari album imwe isohotse, indi igahita iyisimbura.
Nubwo yagarutse kuri iki kibazo, igice cyakuruye abantu cyane ni aho Drake yaburiye abamunenga cyangwa abakora indirimbo zimusubiza ku magambo aba yavuze.
Uyu muraperi yagize ati: “Ikaramu yanjye iracyahari.”
Aya magambo ya Drake asa n’ubutumwa yageneye abo batavuga rumwe, abibutsa ko agifite ubushobozi bwo gusubiza abamunenga cyangwa abamukorera indirimbo zimuvugaho.
Drake amaze igihe ari mu makimbirane n’abandi bahanzi bakomeye, cyane cyane binyuze mu ndirimbo no mu guterana amagambo, ibintu byatumye abafana bakomeza gukurikiranira hafi ibitekerezo bye ku bijyanye n’abamurwanya mu muziki.
Kuvuga ko “ikaramu ye ikiriho” bishobora kuba uburyo bwo kwibutsa abo bahanzi ko atararetse kubasubiza, kandi ko amagambo cyangwa ibikorwa byabo bishobora gukurura igisubizo igihe icyo ari cyo cyose.
Drake yibukije abamunenga ko ikaramu ye igihari