Aya masezerano yiswe "DRCongo, Heart of Africa", AS Monaco yayagiranye na Minisiteri ya siporo n’imyidagaduro yo muri Congo akaba azarangira muri 2028. Afite intego ebyiri z'ingenzi zo guteza imbere umupira w'amaguru muri Congo ndetse no kumenyekanisha iki gihugu ku rwego mpuzamahanga binyuze ku mbuga nkoranyambaga z'iyi kipe.
Usibye ibi kandi iyi kipe izajya yamamaza Congo ku myambaro yayo ku mikino yo muri shampiyona y'u Bufaransa ndetse n'iya UEFA Champions League guhera mu mwaka utaha w'imikino.
Izajya inayamamaza ku makipe yayo y'abato y'abatarengeje imyaka 21 na 19. AS Monaco izajya ifasha Congo mu iterambere ry'umupira w'amaguru aho izashingayo irerero.
Aya masezerano ameze nkayo u Rwanda rufitanye na Arsenal, Paris Saint-Germain, FC Bayern Munich ndetse na Atletico Madrid aho aya makipe y'ibigugu ku mugabane w'Iburayi yamamaza Visit Rwanda.