Cloudflare ikoresha ikoranabuhanga rifasha imbuga kurindwa ibitero byo kuri internet, kunoza umuvuduko wazo no gucunga urujya n’uruza rw’abazikoresha. Kubera ko ibigo byinshi byiringira izi serivisi, ikibazo cyayo cyagize ingaruka ku mbuga nyinshi icyarimwe.
Abakoresha benshi bagiye bahura n’ubutumwa bw’amakosa (errors) igihe bageragezaga gufungura zimwe muri serivisi zo kuri internet. Ibi byatumye bamwe bavuga ko ikibazo cyari gisa n’aho “igice kinini cya internet gihagaze”, bitewe n’ubwinshi bw’imbuga zishingira kuri Cloudflare.
Abahanga mu by’ikoranabuhanga bavuga ko nubwo internet ifite imiyoboro myinshi, kuba serivisi nyinshi zishingira ku bigo bike bitanga ibikorwa remezo bishobora gutuma ikibazo kimwe kigira ingaruka ku mbuga ibihumbi byinshi mu gihe gito.
Cloudflare yatangaje ko iki kibazo cyatewe n’ikosa rya tekiniki mu bikorwa remezo byayo, maze abatekinisiye batangira kugikemura. Nyuma y’igihe gito, serivisi zatangiye kugaruka buhoro buhoro.
Kugeza ubu, nta kimenyetso cyagaragaje ko iri hungabana ryatewe n’igitero cy’abajura b’ikoranabuhanga (hackers), ahubwo ryatewe n’ikibazo cy’imikorere y’imbere muri sisitemu ya Cloudflare.
Isi yose ihangayitse nyuma y’uko internet igize ikibazo gikomeye