Clapton Kibonge yateguje filime y'uruhererekane yise 'Umushinga w'ubukwe'

Iyi filime izatangira kunyuzwa ku isoko ku wa 9 Kamena 2026, ikaba yarakozwe binyuze muri kompanyi ya Daymakers Edutainment. Nk’uko Clapton yabitangarije InyaRwanda, iyi filime ihuriyemo abakinnyi benshi bamaze kubaka amazina mu ruganda rwa sinema nyarwanda.

Mu bayigaragaramo harimo Papa Iddy, Yvette, Mama Goreti, Linda n’abandi benshi.

Clapton yavuze ko iyi filime yubakiye ku nkuru igaragaza uburyo ubuzima bushobora guhinduka mu buryo umuntu atatekerezaga, ikanakomoza ku ngaruka z’imbuga nkoranyambaga n’uburyo abantu bamwe bafata ibyamamare.

Yagize ati: “Ni filime igaruka ku buzima buhinduka kuva ku busa. Igaragaza ubuzima bwo ku mbuga nkoranyambaga n’urukundo ku byamamare.”

Clapton Kibonge ni umwe mu bakinnyi ba filime bafite izina rikomeye mu Rwanda, aho yamenyekanye cyane muri filime zirimo Umuturanyi, Mugisha na Rusine n’izindi zitandukanye zakunzwe n’abatari bake.

Uretse gukina, azwi kandi nk’umwe mu bantu bagize uruhare rukomeye mu kuzamura impano nshya muri sinema nyarwanda.

Mu bihe bya vuba, yakomeje gushyira imbaraga mu gutunganya filime z’uruhererekane zifasha abakinnyi bakizamuka kubona urubuga rwo kugaragaza ubushobozi bwabo.

Filime “Umushinga w’Ubukwe” iri mu zikomeje gutegerezanyijwe amatsiko, cyane ko iza yiyongera ku zindi Clapton amaze igihe akora zakunzwe n’abakunzi ba sinema nyarwanda.

View this post on Instagram

A post shared by Mugisha Emmanuel (@claptonkibonge)

Clapton yatangaje ko agiye gushyira hanze filime ye nshya yise ‘Umushinga w’ubukwe’

Yvette uri mu bakinnyi b’imena muri filime y’uruhererekane nshya ya Clapton