Iyi kipe yabitangaje kuri uyu wa Kabiri ibinyujije ku mbuga nkoranyambaga. Yavuze ko yishimiye gutangaza Liam Rosenior nk'umutoza wayo mukuru ndetse inamuha ikaze muri rusange.
Ibi byaje nyuma y'uko uyu mutoza w’imyaka 41ukomoka mu Bwongereza yari yatangaje ko yahawe uburenganzira n’ubuyobozi
bwa Strasbourg bwo kuganira na Chelsea anemeza ko ibiganiro byageze ku
musozo bikaba byanagenze neza.
Mu kiganiro yagiranye na BBC Sport yagize ati: “Nahawe uburenganzira bwo kuganira
n’imwe mu makipe akomeye ku Isi. Biragaragara ko ngiye kuba umutoza wa Chelsea.
Nubwo ntarasinyira ku mugaragaro, twamaze kumvikana mu magambo kandi ibintu
bishobora gutangazwa mu masaha make ari imbere.”
Chelsea na Strasbourg ni amakipe abarizwa muri BlueCo, ihuriro riyobowe n’umunyemari Todd Boehly afatanyije na Clearlake
Capital. Ibi ni byo byoroheje ibi biganiro, uyu mutoza bikarangira agiye mu
ikipe ya Chelsea.
Liam Rosenior yavuze ko igihe yamaze muri Strasbourg
ari icyiza cyane mu mwuga, ashimangira ko azahora akunda iyi kipe n’abafana
bayo, ariko akemera ko amahirwe yo gutoza Chelsea atari ayo kwirengagiza.
Yagize ati:
Rosenior kandi yemeje ko azajyana n’abungiriza be
bakoranaga muri Strasbourg, barimo Kalifa Cisse na Justin Walker.
Rosenior yakinnye umupira w’amaguru imyaka 16 mu
makipe atandukanye yo mu Bwongereza ubundi ahagarika gukina mu 2018 ari muri
Brighton & Hove Albion. Nyuma yaho yahise yinjira mu mwuga wo gutoza, aca
muri Brighton, Derby County, Hull City ndetse na Strasbourg.
Mu mwaka we wa mbere muri Strasbourg, yayifashije
kubona itike yo gukina UEFA Conference League. Liam Rosenior asimbuye Enzo Maresca uheruka kwirukanwa na Chelsea mu gihe we muri Strasbourg ashobora
gusimbuzwa Gary O’Neil, wahoze atoza Wolverhampton Wanderers na Bournemouth.
Liam Rosenior niwe ugiye kuba umutoza wa Chelsea