Inkuru yo kwibaruka kwa Nice & Hadassah yamenyekanye kuri uyu wa Gatatu tariki 02 Kamena 2021 itangajwe na Nice Ndatabaye mu butumwa yanyujije ku mbuga nkoranyambaga akoresha. Yanditse kuri Instagram ubutumwa bugaragaza ishimwe rye ku Mana anatangaza ko umwana bibarutse bamwise Zariah Ndatabaye. Ati "Umwami Imana yadukoreye ibintu bikomeye, twuzuye umunezero. Uhawe ikaze mwana wacu Zariah Ndatabaye".
Mu kiganiro na InyaRwanda.com, Nice Ndatabaye yadutangarije ko bibarutse umwana wa kabiri wavutse ari umukobwa, akaba aje asanga imfura yabo ifite imyaka ibiri n'igice witwa Neriah Ndatabaye. Yavuze ko bibarutse ubuheta bwabo tariki 01 Kamena 2021 Saa Tanu n'iminota 29 z'ijoro ku masaha yo muri Canada. Yagize ati: "(Twibarutse) umwana wa kabiri w'umukobwa (...) Madamu yabyaye neza nta kibazo".
Nice Ndatabaye ni izina rikomeye mu muziki wa Gospel mu Rwanda, mu karere no muri Diaspora nyarwanda. Igikundiro uyu muryamyi afite cyatumbagijwe n'indirimbo yise 'Umbereye maso' yakoranye na Gentil Misigaro. Ni indirimbo wafata nk'ikirango cy'umuziki we. Irakunzwe cyane by'umwihariko mu nsengero ndetse biranigaragaza kuko kuri Youtube imaze kurebwa inshuro zirenga Miliyoni 5 n'ibihumbi 100, ibintu bituma iza ku isonga mu ndirimbo z'abahanzi nyarwanda ku giti cyabo bakora 'Gospel' bafite indirimbo zarebwe cyane.
Hadassah Ndatabaye akikiye ubuheta bwe na Nice Ndatabaye
Nice na Hadassah ubwo biteguraga umwana wabo wa kabiri
"Ndagukunda cyane Hadassah ni ukuri kandi ubyemere!"
Nice na Hadassah hamwe n'imfura yabo Neriah Ndatabaye
Hadassah Ndatabaye ubwo yari akuriwe
REBA HANO 'UMBEREYE MASO' YA NICE NDATABAYE FT GENTIL MISIGARO