Burikantu yatawe muri yombi

Uyu musore wari umaze iminsi avugwa mu mashusho y’urukozasoni n’umwe mu bakobwa baje kuyigamba ku mbuga nkoranyambaga, yatawe muri yombi kuri iki cyumweru tariki ya 20/07/2025.

Amakuru yamenyekanye ku mugoroba wo ku wa mbere, ni uko yatawe muri yombi nyuma yo gufungirana mu nzu abakobwa bari bamusuye akababuza uburyo bwo gutaha.

Burikantu ngo yasabye umwe mu bakobwa bari bamusuye kumusanga mu cyumba bakaganira uburyo bwo kumufasha hanyuma umukobwa arabyanga.

Burikantu yahise arakara afata icyemezo cyo kubafungirana mu nzu abasaba ko kugira ngo basohoke babanza kumwishyura amafaranga yari yabatanzeho yaba itike na fanta yari yabaguriye.

Nyuma yo kwanga gufungura imiryango ngo abakobwa batahe, batabaje Polisi irabafungurira hanyuma Burikantu we atabwa muri yombi.

Iki cyaha Burikantu akurikiranyweho gihanwa n’ingingo ya 151 y’itegeko nimero 68/2018 ryo ku wa 30 Kanama 2018 riteganya ibyaha n’ibihano muri rusange.

Umunyarwenya Burikantu yatawe muri yombi azira gufungirana abakobwa bari bamusuye akababwira ko basohoka mu nzu ye bishyuye itike na Fanta banyweye akaba ari nyuma y'uko umwe muri abo bakobwa yari yanze gusanga Burikantu mu cyumba ngo baganire ku mikoranire