Uyu mukino wabaye kuri
uyu wa Gatandatu, aho Brighton itozwa na Fabian Hurzeler yihimuye kuri
Manchester City yari yayisezereye kuri penaliti ku wa Gatatu, nyuma y’uko amakipe
yombi anganyije ibitego mu minota isanzwe y’umukino.
Ikipe ya Brighton yabonye igitego cy’intsinzi ku munota wa 11, ku mupira watewe nabi na myugariro wa Manchester City, Matheus Nunes, ashaka kuwukuraho ariko awuha Yasin Ayari, na we ahita awushyira mu nshundura.
Manchester City yabonye
uburyo bwo kwishyura nyuma y’iminota 10 gusa, ubwo Iliman Ndiaye yazamukaga
agiye gutsinda igitego umupira yari ahawe na Elliot Anderson, ariko amahirwe
ntiyamusekera. Nyuma yaho, Ndiaye yongeye kugerageza ishoti rikomeye ariko
umunyezamu Bart Verbruggen ararifata.
Mu gice cya kabiri,
Manchester City yakomeje gushaka igitego cyo kwishyura, aho Ndiaye yongeye
kubona umwanya mwiza wo gutsinda, ariko ishoti rye rikomeye Verbruggen
arikuramo mu buryo bwiza, umupira awerekeza ku giti cy’izamu.
Verbruggen yakomeje
kugaragaza ubuhanga mu izamu rya Brighton, akuramo n’ishoti rya Matheus Nunes,
mu gihe umutwe Erling Haaland yateye wari woroheye uyu munyezamu.
Manchester City yakomeje kugorwa no kubona inzira inyura mu bwugarizi bwa Brighton, ndetse rutahizamu wayo Haaland ntiyabona imipira ihagije yamufasha kubona ibitego.
Ku rundi ruhande,
Brighton na yo yabonye uburyo bwo kongera ibitego, aho Maxim de Cuyper yateye
umupira hanze y’izamu ari hafi yaryo, nyuma aza no gutera umutwe ukomeye ariko
umunyezamu Gianluigi Donnarumma awukuramo.
Nubwo Brighton itabashije
kubyaza umusaruro andi mahirwe yabonye, byarangiye itsinze Manchester City
igitego 1-0, yegukana amanota atatu y’ingenzi.
Iyi ntsinzi yafashije Brighton kugera ku manota 19 ayishyira ku mwanya wa gatatu, isigarana ikinyuranyo cy’amanota abiri gusa kuri Manchester City, mu gihe iyi kipe yatozwa na Enzo Maresca yari imaze gutsindwa imikino ibiri ya shampiyona yikurikiranya.
Brighton yihimuye kuri Manchester City iyitsindira kuri Etihad