Mu itangazo ryashizwe ahagaragara mu masaha y'igicamunsi, havuzwe ko indege y'intambara ya A Sukhoi-25 yavuye muri DRCongo ikinjira mu Rwanda i Saa 11:20 ndetse igaparika ku kibuga cy'indege cya Rubavu umwanya muto mbere yo gusubira aho yaturutse.
Nyuma y'aho iyi ndege yinjiriye mu Rwanda ku buryo butemewe, Leta y' u Rwanda yamaganye iyi migirire y'ubushotoranyi ya Leta ya DR Congo.
Iyi ndege yaguye mu Rwanda, mu gihe havugwa ko Leta ya DR Congo yaparitse indege nyinshi z'intambara mu mujyi wa Goma uhana imbibi n'u Rwanda, muri iki gihe umubano utari mwiza hagati y'ibihugu byombi.
Leta ya DR Congo ishinja u Rwanda gufasha umutwe w'abarwanyi wa M23, mu gihe u Rwanda rwo ruhakana iby'ubufasha buvugwa.
Itangazo rya Leta y' u Rwanda