Birasaba iki ngo Maguire atange umusaruro muri Manchester United?

Harry Maguire yaguzwe na Manchester United mu 2019 avuye muri Leicester city, aho yaguzwe akayabo ka miliyoni 78.3 z'amapawundi. Umukinnyi usinye kuri uru rwego biba bisaba ko yeka abafana b'ikipe ko amafaranga yatanzweho yari ayakwiye ariko kuri Harry Maguire bikomeje kuba ikibazo kuko imyaka ibaye ibiri ataremeza abafana.

Harry Maguire wanagizwe Kapiteni wa Manchester United ni we mukinnyi wa kabiri waguzwe amafaranga menshi mu mateka ya Manchester nyuma ya Paul Pogba waguzwe miliyoni 94.5 z'amapawundi. Imbaraga Maguire afite, gusanganira umupira akora muri Manchester United byose bikunze guhurirana n'amakosa menshi akora kandi akanavamo igitego.

Kuki mu ikipe y'igihugu Harry Maguire yitwara neza?

Mu ikipe y'igihugu y'u Bwongereza Harry Maguire n'umwe mu bakinnyi bafite imyitwarire myiza ndetse bagenderwaho bitandukanye n'uko muri Manchester United abayeho. Umutoza w'ikipe y'igihugu y'u Bwongereza akoresha abakinnyi 2 imbere ya ba myugariro batuma Harry Maguire adahura n'imipira myinshi.

Harry Maguire ahagaze neza mu ikipe y'igihugu y'Ubwongereza 

Tugendeye kuburyo Harry Maguire akoreshwa mu ikipe y'igihugu y'u Bwongereza, birasaba ko Manchester United yagura abakinnyi nka Kelvin Phillips na Declan Rice ubundi bajya imbere ye, Manchester United ikareba ko yarengera Miliyoni yatanze.