Bianca Censori yongeye kugaragaza urukundo afitiye umugabo we, umuraperi w’Umunyamerika uzwi nka Ye (Kanye West), nyuma yo kumwifuriza isabukuru nziza y’amavuko. Mu butumwa yashyize kuri Instagram (Story), bumara amasaha 24 , Bianca yanditse ati: "Isabukuru nziza, Ye. Ndagukunda kurusha ubuzima."
Ubu butumwa bwahise bukwirakwira ku mbuga nkoranyambaga, aho abafana benshi bagaragaje ko bwerekana urukundo rukomeye rukiri hagati y’aba bombi. Ibi bibaye mu gihe Ye yizihiza imyaka 49 y'amavuko kuri uyu wa 8 Kamena 2026.
Uyu muraperi wamamaye ku rwego mpuzamahanga yubatse amateka akomeye mu muziki wa Hip-Hop binyuze muri album zakunzwe cyane nka "The College Dropout", ndetse no mu ruganda rw'imideli binyuze ku kirango cya Yeezy.
Bianca na Ye bamaze imyaka itari mike bagaragara bari kumwe mu bikorwa bitandukanye, ndetse bakunze kuvugisha benshi kubera uburyo bagaragaza urukundo rwabo mu ruhame.
Mu bihe byashize, Ye na we yagiye yifuriza Bianca isabukuru nziza y'amavuko amushimira urukundo n'ubufasha amuha mu buzima bwe bwa buri munsi.
Bianca Censori yifurije Kanye West isabukuru y'amavuko mu buryo bwihariye