Shampiyona y’umukino w’intoki Basketball mu Rwanda yasoje imikino ibanza ku makipe menshi mu mpera z’iki cyumweru hakinwa umunsi wa karindwi kuwa gatandatu n’uwa munani ku cyumweru 27-28 Ukwakira 2012.
Ikipe ya Espoir BBC niyo iyoboye urutonde rwa shampiyona n’amanota 14 mu mikino irindwi imaze gukina ikaba itaratsindwa umukino n’umwe.
Uyu mwanya wa mbere Espoir BBC yari iwuhanganiye na KBC mbere yo kuyitsinda kuri uyu wa gatandatu amanota 72-57 mu mukino wari utegerejwe na benshi.
Abakunzi ba Basketball bashobora kwibaza aho ikipe nka APR BBC yari yarihariye shampiyona mu myaka ishize iherereye.
Iyi kipe rero uyu mwaka yahise gusezerera bamwe mu banyamahanga bari bayifatiye runini ariko igerageza kwitwara neza kuko iri ku mwanya wa gatatu n’amanota 12
Ku mwanya wa kane haza ikipe ya CSK n’amanota 9 mugihe amakipe nka NUR na KIE atigeze yitwara neza muri iyi mikino ibanza.
Dore uko amakipe yatsindanye:
ku wa gatandatu taliki ya 27 Ukwakira 2012
CSK 86-81 RUSIZI BBC
3O Plus 65-63 UNR BBC
APR BBC 98-77 KIE
ESPOIR BBC 72-57 KBC
ku cyumweru taliki ya 28 Ukwakira 2012
UNR BBC 67-65 CSK
UGB 81-78 RUSIZI BBC
30 Plus BBC 74-56 KIE
Rutaganda Ponny