Banki y’Igihugu ya Uganda yacucuwe arenga Miliyari 23Rwf

Ikinyamakuru New Vision cyandikirwa muri Uganda cyatangaje ko Banki nkuru y’Igihugu ya Uganda yacucuwe n’abajura bibisha ikoranabuhanga (Hackers) byaje kumenyekana ko bakomoka mu burasirazuba bwa Asia.

Aba bajura biyita “Waste " bibye Banki Nkuru ya Uganda hanyuma bohereza amafaranga macye mu Buyapani bakoresheje Banki itari yamenyekana imyirondoro ngo babone uko bakurikirana n’andi mafaranga.

Banki ya Uganda ntabwo yahise isubiza New Vision isaba ibisobanuro kuri iki kibazo. Polisi ya Uganda nayo yaruciye irarumira ntiyagira icyo ivuga kuri aya makuru yakuye umuti abanya-Uganda.

Ikinyamakuru New Vision cyavuze ko banki nkuru yabashije kugarura kimwe cya kabiri cy'amafaranga abo bajura bari bibye. Kivuga ko mu rwego rwo kumenya neza abo bajura bo kuri interineti, Perezida Yoweri Museveni yategetse ko hakorwa iperereza.

Ku rundi ruhande, ikinyamakuru Daliy Monior cyo cyatangaje ko hari amahirwe menshi yuko aba bajura bari bafite abandi bakorana bari mu gihugu cya Uganda.