Dore urutonde rw'abakinnyi 10 bahabwa amahirwe menshi, hashingiwe ku musaruro wabo muri uyu mwaka w'imikino.
10. Fabián Ruiz (Paris Saint-Germain / Espagne)
Fabián Ruiz yagize umwaka mwiza cyane ari kumwe na PSG ndetse n'ikipe y'igihugu ya Espagne. Yafashije PSG gutwara Ligue 1 na UEFA Champions League, anafasha Espagne kwegukana Igikombe cy'Isi.
Imibare y'uyu mwaka: ibitego 3, assist 5.
9. Erling Haaland (Manchester City / Norway)
Nubwo Manchester City itatwaye Premier League, Haaland yakomeje kuba umwe mu batsinda ibitego byinshi ku Mugabane w'u Burayi.
Muri World Cup, yafashije Norway kugera muri 1/4 atsinda ibitego byinshi.
Imibare y'uyu mwaka: ibitego 45, assists 10.
8. Jude Bellingham (Real Madrid / England)
Bellingham yahuye n'imvune zimwe na zimwe ariko agaruka neza mu Gikombe cy'Isi. Yabaye umwe mu bakinnyi beza ba England, afasha ikipe kugera muri 1/2.
Imibare y'uyu mwaka: ibitego 15, assists 6.
7. Michael Olise (Bayern Munich / France)
Olise yagize umwaka udasanzwe muri Bayern Munich. Yafashije Bayern gutwara Bundesliga na DFB-Pokal, anarangiza World Cup ari we watanze assists nyinshi.
Imibare y'uyu mwaka: ibitego 22, assists 36.
6. Lionel Messi (Inter Miami / Argentine)
Nubwo afite imyaka 39, Messi yongeye kwerekana ko akiri umwe mu bakinnyi beza ku Isi. Yafashije Inter Miami gutwara MLS Cup, anayobora Argentine kugera ku mukino wa nyuma wa World Cup 2026.
Imibare y'uyu mwaka: ibitego 44, assists 30.
Igikombe gikomeye: MLS Cup.
5. Kylian Mbappé (Real Madrid / France)
Mbappé yongeye kurangiza umwaka ari umwe mu batsinze ibitego byinshi ku Isi. Yegukanye Golden Boot ya World Cup atsinda ibitego 10 ndetse atsinda ibitego byinshi muri Real Madrid.
Imibare y'uyu mwaka: ibitego 52, assists11
4.Harry Kane (Bayern Munich / England)
Harry Kane yagize umwaka ushobora kuba ari wo mwiza kurusha indi yose mu mwuga we. Yafashije Bayern gutwara Bundesliga na DFB-Pokal, anafasha England kugera muri 1/2 cya World Cup.
Imibare y'uyu mwaka: ibitego73, assists 8.
3. Ousmane Dembélé (Paris Saint-Germain / France)
Nyuma yo gutwara Ballon d'Or ya 2025, Dembélé yakomeje kwitwara neza. Yafashije PSG gutwara Champions League na Ligue 1, anafasha U Bufaransa kugera muri 1/2 cya World Cup.
Nubwo France itageze ku mukino wa nyuma, kugira Champions League ku rutonde rwe bituma akomeza kuba umwe mu bahatanira Ballon d'Or.
Imibare y'uyu mwaka: ibitego 25, assists 13.
2. Lamine Yamal (Barcelona / Espagne)
Ku myaka 19 gusa, Yamal yakomeje kwandika amateka. Yafashije Barcelona gutwara La Liga na Spanish Super Cup, anagira uruhare rukomeye mu rugendo rwa Espagne rwo kwegukana World Cup.
Nubwo imibare ye muri World Cup itari myinshi, uburyo yakinagamo bwashimwe cyane.
Imibare y'uyu mwaka: ibitego 26, assists 22.
1. Rodri (Manchester City / Espagne)
Rodri ni we uyoboye uru rutonde. Nyuma yo gukira imvune ikomeye, yagarutse afasha Espagne gutwara Igikombe cy'Isi, ndetse yegukana Golden Ball nk'umukinnyi mwiza w'irushanwa.
Yabaye umutima wa Espagne hagati mu kibuga, ayobora ikipe mu buryo budasanzwe. Nubwo Manchester City itagize umwaka mwiza nk'uwa mbere, ibikorwa bye muri World Cup byongeye kumushyira imbere mu bahatanira Ballon d'Or.
Imibare y'uyu mwaka: ibitego 2, assists 0.
Ibihembo bikomeye: FIFA World Cup, umukinnyi w'irushanwa ry'igikombe cy'isi
Uyu mwaka wa 2026 ushobora kuba umwe mu myaka igoye cyane gutoranyamo uzegukana Ballon d'Or. Rodri na Lamine Yamal bafite amahirwe akomeye nyuma yo gufasha Espagne gutwara World Cup 2026, ariko Harry Kane, Ousmane Dembélé, Kylian Mbappé na Lionel Messi na bo bafite umusaruro ukomeye ushobora gutuma amajwi y'abatora atandukana.
Source: Goal & GiveMeSport