BAL Summit: Basketball si umukino, ni isano ihuza umuziki, imideli n'ikoranabuhanga - Clare Akamanzi

Ni ibiganiro byibanze ku kumenyekanisha iyi imikino, ubufatanye no gukomeza gukura kwa siporo muri Africa. Bagarutse ku buryo bwo kubaka ubukungu bushingiye kuri siporo, ukongera ishoramari muri uri rwego n'uko ikoranabuhanga ryakoreshwa mu guhindura siporo.

‎Umuyobozi wa NBA Africa, Clare Akamanzi yagaragaje ko Basketball atari umukino gusa yabaye ihuriro ry'inzego z'ubukungu. ‎‎Yagize ati "Basketball si umukino ni isano ihuza umuziki, imideli, ikoranabuhanga n'ibindi bice bitandukanye bigize ubukungu".

‎Iyi nama ije nka kimwe mu bikorwa biri guherekeza irushanwa rya BAL ku nshuro ya gatandatu i Kigali guhera tariki ya 22 kugeza 31 Gicurasi 2026 aho yari ifite insanganyamatsiko igira iti: "Beyond the game, building the future of sports, Business and culture in Africa" bivuze ngo kubaka ahazaza ha siporo, ubucuruzi, n'umuco muri Africa.

‎Ni mu gihe Perezida wa BAL, Amadou Gallo Fall yatangaje ko hari intego yo kubaka urwego rw'ubucuruzi bushingiye kuri Basketball ndetse bunafasha urubyiruko rw'uyu mugabane kwiteza imbere binyuze muri iyi siporo.

Umwanditsi: Bwanakeye Christian