Nubwo habura imikino ine ngo iyi shampiyona irangire ariko iyi kipe yabigizeho kuri uyu wa Kane nyuma y’uko Qarabag iyikurikira ku rutonde rwa shampiyona itsinzwe.
Qarabag yatsinzwe na Neftci Baku ibitego 2-1 ubundi Sabah FK ihita isigara iyirusha amanota 13 kandi habura imikino ine ngo shampiyona irangire.
Ni igikombe cya kabiri Sabah FK yegukanye mu mateka nyuma y’uko yegukanye icy’igihigu mu mwaka ushize w’imikino wa 2024/2025.
Kugeza ubu rutahizamu w’Amavubi, Joy-Lance Mickels ukinira iyi kipe ni we ufite ibitego byinshi kurusha abandi muri iyi shampiyona ya 2025/26 aho afite ibitego 18.
Joy-Lance Mickels aheruka guhamagarwa bwa mbere mu ikipe y’igihugu y’u Rwanda, Amavubi, akaba yari kumwe n’impanga ye Joy-Slayd Mickels na murumuna wabo Leroy-Jacques Mickels.
Uyu rutahizamu yerekeje muri Sabah FK muri 2024 avuye muri Al-Faisaly KSA FC yo muri Arabia Saudite.
Kugeza ubu Joy-Lance Mickels amaze gutsinda ibitego 18
Sabah Baku ikinamo Joy-Lance Mickels yegukanye igikombe cya shampiyona