Ikipe ya Azam niyo yafunguye amazamu, igice cya mbere cyenda kurangira giturutse ku ikosa ryakorewe umukinnyi wa Aazam Kipre Herman Che Che maze BOLOU Wilfred Michael ku munota wa 44 ayiboneza mu nshundura z’ izamu ryari ririnzwe na Aishi Salum Manula.
Abakinnyi b' ikipe ya Azam ihagarariye Tanzaniya bishimira igitego cya mbere
Igice cya kabiri cyatangiye ikipe ya Atlabara ishaka kwishyura cyane ndetse ubona ko iri kugerageza gukoresha imipira mireremire dore ko ari n’ ikipe igizwe n’ abakinnyi barebare, byaje no kuyihira maze yishyura igitego gitsinzwe na kapiteni wayo THOMAS Batista.
Igice cya kabiri nticyoroheye na gato ikipe ya Azam kuko yatangiye kurushwa na Atlabra byaje no gutu ma ikipe ya Atlabara yongera kubona igitego cyiza gitsinzwe n’umukinnyi BONY Martin biba 2-1.
Abakinnyi ba Atlabara bageragezaga kurinda izamu
Umutoza wa Azam, Omog Joseph yahise yinjiza abakinnyi 2 harimo na Didier Kavumbagu gusa ntibahise bagira icyo bahindura ako kanya kuko Atlabra yakomeje kotsa igitutu Azam itera ishoti rikubita igiti cy’ izamu ndetse inahusha ibitego byinshi.
Ku munota wa 85 Azam FC yaje kwishyura igitego cya kabiri ku mutwe mwiza watewe n’umukinnyi Didier Kavumbagu winjiyemo asimbuye, ikipe ya Azam FC ikomeza kwataka ariko biranga umukino urangira ari ibitego 2-2.
Didier Kavumbagu yagiyemo asimbuye anatsinda igitego
Uyu mukino wabonetsemo ikarita y’ umutuku yahawe THOMAS Batista, kapiteni w’ ikipe ya Atlabara ku ikosa yari akoze ahabwa ikarita y’ umuhondo ya kabiri zibyara umutuku.
Umukinnyi witwaye neza kuri uyu mukino yabaye Aishi Salum Manula, umuzamu wa Atlabara wagiye agora ba rutahizamu ba Azam.
Muri iri tsinda ikipe ya Azam FC niyo iriyoboye n’ amanita 5 kuko yatsinze umukino umwe inganya 2, igakurikirwa na Rayon Sports ifite amanita 4 kuko yatsinze umukino umwe inganyaundi mu mikino 2 imaze gukina, niramuka itsinze KMKM ku wa Kane izahita ica ku ikipe ya Azam iyobore itsinda.
Abakinnyi babanjemo ku ruhande rwa Azam: AISHI Salum Manula, SALUM Abubakar salum, GADIER Michael Mbaga, SHOMARI Salum Kapombe, SAID Hussein Moradi, AGGLREY Moris Ambrosi, BOLOU Wilfred Michael, HIMID Mao Mkami, MWAIKIMBA Gaudence, KIPRE Herman Tche Tche 10, LIONEL Saint Preux.
Aba nibo bakinnyi umutoza wa Azam FC yabanjemo, John Bocco atarimo
Abakinnyi ikipe ya Atlabara yabanjemo: MPENZI Jecko, THOMAS Batista, OLEMA Hamza, MONYDENG Atit, SEBIT Ibrahim, MUTAWAKIL Kharim, WANI Jastin Frando, AQUER Joseph, KUJBOR Dak, SEBIT Ajak, BONY Martin.
Abakinnyi bagize ikipe ya Atlabara babanjemo
undi mukino wabaye ikipe ya Adama City yo muri Ethiopia yanganyije na KMKM yo muri Zanzibar 1-1. ikipe ya Adama niyo yabanje igitego hakiri mu gice cya mbere hanyuma kiza kwishyurwa na KMKM habura iminota mike ngo umukino wose urangire
Alphonse M.