Uyu
muhanzikazi w’imyaka 23, ukomeje kuba umwe mu mazina akomeye muri Afrobeats,
yabitangaje ubwo yari mu kiganiro The Jennifer Hudson Show, aho yagaragaje ko
iyi album ari imwe mu mishinga yashyizemo imbaraga nyinshi cyane.
Yagize
ati “Album yanjye ‘Starr Girl’ izasohoka muri Nyakanga… nishimiye cyane iyi
mishinga nakoze. Nashyizemo umutima wanjye wose, sinshobora gutegereza uko abantu
bayumva.”
Iyi
album nshya izaba ari iya gatatu mu rugendo rwe rwa muzika, kandi kuva
yatangira kuyivuga mu 2025, abantu benshi barayitegereje cyane.
Mu
2026, Ayra Starr yagaragaje ko iyi album izaba ifite insanganyamatsiko nini
kandi itandukanye n’izabanje, aho atazakomeza gusa imiterere isanzwe ya
Afrobeats, ahubwo azagerageza no kwinjizamo andi mabara y’umuziki atandukanye.
Mu
rwego rwo gutegura iyi album, yamaze gusohora indirimbo zitandukanye zerekana
aho yerekeza mu muziki we: Hot Body, Gimme Dat yakoranye na Wizkid, yamuhesheje
guhtanira Grammy Awards, Who’s Dat Girl yakoranye na Rema, All The Love
(Afro-R&B), ndetse n’indirimbo nshya Where Do We Go, irimo injyana ya
dancehall-poppy, igaragaza ko ashaka kugera ku isoko mpuzamahanga.
Nubwo
urutonde rw’indirimbo (tracklist) n’abahanzi bazamufasha bitaratangazwa, Ayra
Starr yamaze gutangaza ko ashobora gukorana n’abahanzi bakomeye nka Asake,
ibintu byongereye amatsiko ku bakunzi be.
Ibi
bije bikurikira intsinzi ye ikomeye mu ntangiriro za 2026, aho yegukanye
igihembo cya Best International Act muri MOBO Awards, bikomeza kumushyira mu
bahanzi bafite icyerekezo mpuzamahanga gikomeye.
“Starr
Girl” isa n’igiye kuba album izamukomeza ku rwego rwo hejuru, igahuza imiziki
itandukanye n’ubutumwa bushya ku isi yose y’abafana be.
