Sky Sports yanditse ko Bayern Munich yemeye kuva ku izima, igiye gutanga indi Bid ya Miliyoni 110€ kuri rutahizamu Harry Kane ukinira Tottenham Hotspurs. Ibi bibaye nyuma y'umunsi umwe Kane nawe yari ahishuye ko agiye gushyira igitutu kuri Tottenham kugira ngo imureke agende.
Athltic yagarutse kuri Kane na Tottenham Hotspurs, ivuga ko kugeza ubu ibiganiro bigeze aharyoshye, mu gihe benshi bari batangiye gutekereza ko Harry Kane bishobora kurangira agumye muri Tottenham Hotspurs.
Footbal Insider yavuze ko Arsenal na Tottenham Hotspurs ziri guhanganira umusore w'imyaka 25 y'amavuko, Douglas Luis. Uyu mukinnyi ukomoka Muri Brazil akinira Aston Villa.
Fabrizio Romano yavuze ko ibiganiro hagati ya Arsenal na Brentford ku munyezamu David Raya bigeze kure. Amakipe yombi yamaze kumvikana ko Arsenal izamutangaho miliyoni 30 z'amayero.
Footmercato yo mu Bufaransa yavuze ko amakipe yo muri Alabia Saudite yatangiye kwifuza Neymar Jr wa Paris Saint-Germain. Al-Hilal imushaka cyane ngo igomba kubanza yabivugana n'umubyeyi wa Neymar Jr w'imyaka 31 y'amavuko.
Sport yandikira mu Bufaransa yavuze ko n'ubwo amakipe yo muri Alabia Saudite ashaka Neymar Jr, ngo Neymar we ashaka gusubira muri Barcelona akaba atozwa na Xavi Hernandez bakinanaga.
The Mirror yanditse ko Everton ishaka kugurana na Manchester United. Ishaka myugaruro Harry Maguire maze nayo igatanga Amadou Onana muri Manchester United. Amadou Onana ni Umubirigi ukina mu Kibuga hagati.
RMC Sports yanditse ko Manchester United ishaka umufaransa ukina mu mutima wa Defanse, Jean-Clair Tadibo. Tadibo ni myugaruro wa Nice biteganyijwe ko aramutse agiye muri United yasimbura Harry Maguire arifuzwa na Everton.
Daily Mail yavuze ko Manchester United ishaka kuganira na Myugaruro ukomoka mu Bwongereza Aaron Wann-Bissaka, mu kureba ko yakongera amasezerano ye i Manchester.
Wann-Bissaka w'imyaka 25 y'amavuko nyuma yo kumara igice cy'umwaka yari yariburiye icyizere, mu gice cya Kabiri yagarukanye imbaraga bidasanzwe.
Athltic yavuze ko myugaruro wa Manchester City Kyle Walker yafashe umwanzuro wo kugumana na Manchester City, nyuma y'uko ibiganiro hagati ye na Bayern Munich byarangiye nta kigezweho gifatika.
Telegraph yavuze ko Real Siciedad ishaka umunya Scotland kieran Tierney ukinira Arsenal. Gusa Siciedad imushaka nk'intizanyo maze ikazamwishura mu mwaka utaha. Keiran afite imyaka 26 y'amavuko.
Footbal Transfer yavuze ko Barcelona yatanze igiciro ku Mudage ukiri muto w'imyaka 16 y'amavuko, Noah Dervich. Uyu mukinnyi ikipe izamushaka Dore ko akiri muto ni izishyura miliyoni 150€.
Sky Sports yo mu Butaliyani na Footbal Italian byavuze ko umutaliyani w'imyaka 20 y'amavuko Cesare Casadei wa Chelsea ngo arifuzwa na Leicester City ndetse na Girona.
Bild yo mu Budage yanditse ko Rutahizamu ukomoka mu Buhorandi wamamaye muri Manchester United, Wout Wheghorst ngo azerekeza muri Wolfsburg nyuma yo kuva muri Burnley. Wout Wheghorst afite imyaka 31 y'amavuko.
Neymar Jr ashaka gusubira muri FC Barcelona yakiniye akaba ari nayo yamuzamuriye izina
N'ubwo Everton yifuza Harry Maguire, na West Ham United iramushaka bikomeye
Ubu ibiganiro bigeze aharyoshe hagati ya Bayern Munich na Tottenham Hotspurs