Mu
kiganiro yagiranye na Cam Newton, Hall yavuze ko ikibazo kitari amafaranga
yahabwaga ahubwo cyari uko atahawe amahirwe yo kugira imigabane (equity) muri
icyo kigo.
Yasobanuye
ko nubwo yagize uruhare mu gutuma Saratoga Water irushaho kuvugwa no kwamamara,
nta masezerano y'ubufatanye bw'igihe kirekire cyangwa uburenganzira bwo kuba
umwe mu banyamigabane yigeze ahabwa.
Hall
yagize ati: "Twinjiza amafaranga, ariko icyifuzo cyanjye ni ukugera ku
rwego aho amafaranga akomeza kunjira bihoraho."
Aya
magambo agaragaza ko yifuza gushora imari cyangwa kugira imigabane mu bucuruzi,
ku buryo yakomeza kunguka n'igihe atakiri gukora ibikorwa byo kwamamaza.
Mu
rwego rw'ubucuruzi n'iyamamazabikorwa, kugira “Equity” bisobanuye gutunga
umugabane muri sosiyete. Ibi biha umuntu uburenganzira bwo kungukira ku izamuka
ry'agaciro k'ikigo ndetse no ku nyungu zacyo mu gihe kiri imbere, aho guhembwa
amafaranga rimwe gusa ku masezerano yo kwamamaza.
Amagambo
ya Hall yakomeje gukurura impaka ku mbuga nkoranyambaga, aho benshi batangiye
kuganira ku cyaba kiruta ikindi hagati yo kwakira amafaranga ako kanya cyangwa
kwemera ubufatanye burimo imigabane ishobora kubyara inyungu nyinshi mu gihe
kizaza.
Inkuru
ya Hall yongeye kwibutsa abakora ubucuruzi, ibyamamare n'abahanga mu kwamamaza
ko mu bihe by'ubu, bamwe mu bafite izina rikomeye batagishishikazwa no
kwishyurwa amafaranga gusa, ahubwo bashaka kuba abafatanyabikorwa nyabo bafite
uruhare mu mutungo w'ibigo bafasha kuzamura.