Biteganyijwe ko ibi bitaramo bizatangira ku wa 4 Nyakanga 2026, bikazasozwa ku wa 24 Ukwakira 2026, bikamara amezi ane yose azenguruka imijyi 16 ikomeye. Bije nyuma y’uko album ye iciye agahigo kuri Spotify. Ni tour yatangajwe ku rubuga rwe rwa Instagram ku wa kabiri, yakirwa neza n’abafana be hirya no hino ku isi.
Mu mijyi azataramiramo muri Amerika ya Ruguru harimo Chicago, Toronto, Laval (Quebec), Brooklyn, Lowell, Atlanta, Miami, Houston na Los Angeles, ndetse hari n’igitaramo giteganyijwe muri Colombia. Ku mugabane w’u Burayi, azataramira i London, Brussels, Amsterdam, Berlin na Paris, anitabire iserukiramuco rikomeye rya Afro Nation Portugal.
Iyi tour ije ikurikira isohoka rya album ye ya kane M$NEY, yasohotse ku wa 1 Gicurasi 2026. Iyi album igizwe n’indirimbo 13, yakoranye n’abahanzi barimo Tiakola, DJ Snake na Kabza De Small.
Iyi album yaciye agahigo ko kugira streams nyinshi mu cyumweru cya mbere ku rubuga rwa Spotify, aho yumvishwe inshuro zirenga miliyoni 55.98, ndetse igira na miliyoni 37.5 muri Nigeria mu cyumweru cya mbere gusa.
Yanageze ku mwanya wa mbere ku rutonde rwa Apple Music UK, bituma Asake aba umuhanzi wa mbere wo muri Afurika ugejeje indirmbo eshanu ku mwanya wa mbere kuri urwo rutonde.
Umwanditsi: Patrick Kabano