Ku munsi w'ejo ni bwo ikipe ya Inter Milan yari yakiriye FC Barcelona mu mukino wa 1/2 wo kwishyura wa UEFA Champions League. Uyu mukino warangiye Inter Milan ikomeje ku mukino wa nyuma ku ntsinzi y'igitego 4-3.
Muri ibi bitego harimo icya penariti ku munota wa 45 aho yavuye ku ikosa Cubarsi yakoreye Lautaro Martinez umutegera mu rubuga rw'amahina ubundi ikinjizwa neza na Çalhanoğlu.
Arsene Wenger we ntabwo yigeze yemeranya n'iyi penariti nyuma y'umukino aho yagize ati: "Rwose ndwanya ubu bwoko bwa penariti ndetse uku gukoresha VAR mu buryo igenda gacye.
Ku muvuduko usanzwe, ni 'tackle', Reba ibyo Lautaro Martínez yakoraga. Yarabizi ko atagiye gutsinda ubundi yegamira Cubarsí ashaka penariti. Njyewe mbona ko umusifuzi atafashe icyemezo gikwiye.
Reba uwageze kumupira mbere. Ibyo, kuri njye, nibyo bifite agaciro. Lautaro yakoze ku mupira nyuma , Cubarsí niwe wari wabanje kuwukina".
Ibyemezo byafashwe na Szymon Marciniak wasifuye uyu mukino ntabwo byagiye bicugwaho rumwe aho n'abakinnyi ndetse n'umutoza wa FC Barcelona bagaragaje ko yagiye abasifurira nabi.
Arsene Wenger yagaragaje ko iri atari ikosa ryaagomba kuvamo penariti