Ni mu mukino wakinwe kuri iki Cyumweru saa kumi n'ebyiri n’iminota 30 kuri Stade ya Tottenham Hostpur.
Arsenal yaje muri uyu mukino isabwa gutsinda dore ko yari imaze imikino ibiri ya shampiyona yikurikiranya inganya.
Eberechi Eze yafunguye amazamu ku munota wa 32 ariko ibyishimo ntibyatinda dore ko nyuma y’iminota ibiri gusa Randal Kolo Muani wa Tottenham yahise yishyura.
Amakipe yombi yagiye kuruhuka anganya 1-1 ariko igice cya kabiri kigitangira ku munota wa 47 Viktor Gyokores ahita atsinda icya kabiri ahawe umupira na Jurrien Timber.
Ku munota wa 61 Eberechi Eze yatsinze igitego cya 3 gihita kiba igitego cya 5 atsinze Tottenham Hostpur mu mikino ibiri kuva ageze muri Arsenal.
Ku wa 90+4 Viktor Gyokores yatsinze icya Kane ubundi umukimo urangira Arsenal inyagiye Tottenham ibitego 4-1.
Arsenal yahise ikomeza kuba ku mwanya wa mbere n’amanota 61 aho irusha Manchester City iyikurikiye amanota 5 gusa ikaba igifite umukino w’ikirarane.
Ni mu gihe Tottenham yo iri ku mwanya wa 16 n’amanota 29.
Arsenal yanyagiye Tottenham ibitego 4-1
