Premier League ya 2025/2026 izatangira ku wa Gatandatu tariki ya 16 Kanama 2025. Umukino uzafungura shampiyona ni uwo Liverpool ifite igikombe giheruka cya shampiyona izakiramo AFC Bournemouth kuri Anfield saa Mbili z'umugoroba.
Bukeye bwaho tariki ya 17 Kanama imikino yo ku munsi wa mbere ya shampiyona y'u Bwongereza izakomeza aho hateganyijwe imikino itandukanye irimo n'uwo Manchester United izakiramo Arsenal kuri Old Trafford saa Kumi n'iminota 30.
Nubwo Manchester United yasoje shampiyona idahagaze neza, izatangira ikina na Arsenal yasoreje ku mwanya wa kabiri ariko imibare yerekana ko imikino ifungura shampiyona ikunze kwitwara neza. Iyi kipe y'amashitani atukura ku mikino yo ku munsi wa mbere ifite intsinzi z'iri ku kigero cya 66.7%.
Biteganyijwe ko umukino uzasoza shampiyona y'icyiciro cya mbere mu Bwongereza ya 2025/2026 uzakinwa tariki ya 24 z'ukwezi kwa 5 mu mwaka utaha wa 2026.
Uko amakipe azahura ku munsi wa mbere wa Premier League ya 2025/2026