Maria Avila arasaba urukiko kumwemerera kwerekana amafoto agaragaza ibikomere bikabije yatewe n'imbwa yamuririye mu rugo rw’uwo muhanzi, nk’uko TMZ ibivuga.
Mu nyandiko z’urukiko TMZ ivuga ko yabonye, Maria Avila ararwanya icyifuzo cya Chris Brown wasabye urukiko kubuza Maria kwerekana ayo mafoto nk'ikimenyetso.
Mu kirego gihera mu 2020 Maria yareze Chris Brown ubugizi bwa nabi kandi arasaba indishyi ya miliyoni 90$ ni ukuvuga arenga Miliyari 131 Frw. Amwe mu mafoto ateye ubwoba yerekana uwo mugore afite ibikoremere bikabije avuga ko yatewe n'iyo mbwa y'uwari shebuja.
Maria avuga ko ayo mafoto akwiriye kwakirwa nk’ibimenyetso, kuko agaragaza ubukana bw’ibikomere yagize, ububabare n’akababaro yanyuzemo, ndetse n’ihungabana ryo mu mutwe yatewe n’icyo gikorwa. Yongeyeho ko aramutse atemerewe kuyerekana, byamugora kugaragaza ingano y’indishyi asaba.
Chris Brown na Maria bitezwe guhurira mu rukiko ku wa 15 z'ukwezi kwa 6. Mbere y’urwo rubanza, Chris Brown arimo gukora ibishoboka ngo Maria atazemererwa kuvuga ku ifungwa rye mu bihe byashize aho yaregwaga gukubita uwahoze ari umukunzi we, Rihanna. Kugeza ubu umucamanza ntarafata icyemezo kuri icyo kibazo.
Maria Avila wariwe n'imbwa ya Chris Brown arashaka kwerekana ibikomere yamuteye
Chris Brown ari mu bibazo bikomeye, ashobora gutanga indishyi y'akababaro ya Miliyari 131 Frw