Ku gicamunsi cyo kuri uyu wa Kane ni bwo mu Mujyi wa Cairo mu Misiri, habereye tombola y’amakipe azakina amarushanwa ahuza amakipe yitwaye neza iwayo.
APR FC yegukanye igikombe cya shampiyona y’u Rwanda yatomboye kuzakina Les Aigles du Congo yo muri Repubulika Iharanira Demokarasi ya Congo mu ijonjora rya mbere rya CAF Champions League.
Umukino wa mbere uzabera muri RDC hagati ya tariki 4-6 Nzeri mu gihe uwo kwishyura uzabera i Kigali hagati ya tariki 11-13 Nzeri 2026.
Ikipe izarenga iki cyiciro izahura n’izava hagati ya AS Port yo muri Djibouti na Zamalek SC yo mu Misiri.
Mu mwaka ushize wa 2025/26, APR FC yasezerwe na Pyramids yo mu Misiri mu ijonjora rya mbere rya CAF Champions League ku giteranyo cy’ibitego 5-0,
Amakipe azaviramo mu majonjora y’aya marushanwa yombi azahabwa ibihumbi 100$ [146.361.500 Frw], yo kwita ku ngendo n’indi myiteguro y’irushanwa.
APR FC yatomboye kuzakina Les Aigles du Congo mu ijonjora rya mbere rya CAF Champions League 2026/2027