Ikipe y'Ingabo z'igihugu yabitangaje ku gicamunsi cyo kuri iki Cyumweru ibinyujije ku nkuta z'imbuga nkoranyambaga zayo.
APR FC yatangaje ko yasinyishije uyu mukinnyi nyuma y'uko byari byavuzwe ko ishobora guterwa gapapu na Singida Black Stars yo muri Tanzania.
Memel Raouf Dao w’imyaka 21 wakiniraga AS Sonabel Ouagadougou y'iwabo yatsinze ibitego bitanu mu mwaka ushize w’imikino ndetse ni nawe wabaye n'umukinnyi mwiza muri shampiyona.
Uyu mukinnyi ukina mu kibuga hagati afasha ba rutahizamu gusatira kandi yakiniye Black Stars na Rail Club de Kadiogo nazo z'iwavo muri Burkina Faso.
Asanzwe anahamagarwa mu ikipe y'Igihugu dore ko ubwo Burkina Faso yatsindwaga na Tunisia ibitego 2-0 mu mukino wa gicuti wakinwe mu ntangiriro z'uku kwezi yari yabanje mu kibuga.
Memel Raouf Dao ni umukinnyi wa 7 APR FC isinyishije nyuma ya Hakizimana Adolphe, Bugingo Hakim,Omborenga Fitina, Ronald Ssekiganda, Ngabonziza Pacifique na Iraguha Hadji
APR FC yatangaje ko yasinyishije Memel Raouf Dao