APR FC ikomeje kwiyubaka isinyisha abakinnyi
batandukanye mu kwitegura umwaka utaha w’imikino aho izitabira amarushanwa
atandukanye arimo guhagararira u Rwanda mu mikino ya CAF Champions League.
Usibye abo isinyisha hari n'abo itazakomezanya nabo
basoje amasezerano. Kuri ubu amakuru aravuga ko yamaze gusezera kuri Mugisha
Gilbert na Ruboneka Jean Bosco ndetse ikaba yabahaye amabaruwa abemerera kujya
mu y’andi makipe.
Ruboneka Jean Bosco yari yarasoje amasezerano ndetse
n’iyi kipe y’Ingabo z’igihugu yifuzaga gukomezanya nawe gusa ngo yayiciye
amafaranga menshi dore ko bivugwa ko yayiciye arenga Miliyoni 100 Frw kugira
ngo yongere amasezerano y’imyaka imyaka
ibiri. Uyu mukinnyi ukina mu kibuga hagati yari yarageze muri APR FC muri 2020
avuye muri AS Muhanga.
Mugisha Gilbert nawe yatandukanye na APR FC nyuma
y’uko asoje amasezerano gusa we iyi kipe yari yarafashe umwanzuro wo
kudakomezanya nawe. We yari yarayigezemo muri muri 2021 avuye muri Rayon
Sports.
Iyi kipe yatandukanye n’aba bakinnyi babiri nyuma
y’uko iheruka gutangaza ko yasinyishije umukinnyi ukomoka muri Côte d’Ivoire,
Amani Kouadio Kan Michel Breygeneve wakiniraga AFAD Djékanou y'iwabo.
APR FC yatandukanye na Ruboneka Jean Bosco na Mugisha Gilbert