Ikipe y’Ingabo z’igihugu ibinyujije ku
mbugankoranyambaga mu mugoroba wo kuri uyu wa Mbere yanditse iti:”APR FC
yishimye gutangaza ko yasinyishije
Uwiyaremye Fidali avuye muri Kiyovu FC. Intare nshya yinjiye mu muryango,
izanye ishyaka, umuhate ndetse n’inyota yo kurwanira ibara ry’umukara n’umweru.Twese
hamwe duraharanira kugera ku ntsinzi ikomeye”.
APR FC yasinyishije uyu rutahozamu wari
warageze muri Kiyovu Sports avuye muri Intare FC nyuma yo kwitwara neza muri shampiyona y’u Rwanda ya
2025/2026 dore ko yatsinze ibitego 11.
Uyu yabaye umukinnyi wa kane mushya utangajwe n’iyi kipe muri iyi mpeshyi,
nyuma ya Ishimwe Christian, Amani Kouadiokan Michel Breygeneve,Rubuguza Jean
Pierre.Ni mu gihe yatandukanye n’abarimo Aliou Souané, Mamadou Sy, Niyomugabo
Claude, Mugisha Gilbert,Ruboneka Jean Bosco na Mahamadou Lamine Bah.
APR FC yasinyishije Uwiyaremye Fidali wakiniraga Kiyovu Sports