Iyi kipe y’Ingabo z’igihugu yageze ku kibuga mpuzamahanga cy’Indege cya Kigali kiri i Kanombe mu rukerera rwo kuri uyu wa Kabiri tariki ya 7 Ukwakira 2025.
APR FC yageze mu Rwanda nyuma yo gutsindwa na Pyramids FC yo mu Misiri mu mukino wo kwishyura w’ijonjora ry’ibanze rya CAF Champions League ibitego 3-0 ndetse igahita inayisezerera ku giteranyo cy’ibitego 5-0.
Nyuma yo kugaruka i Kigali, abakinnyi bayo bahamagawe mu ikipe y’igihugu y’u Rwanda, Amavubi, barahita basanga abandi mu mwiherero. Abandi basigaye bo bazakina na Etincelles FC ejo saa Cyenda kuri Kigali Pele Stadium mu mukino w’ikirarane cyo ku munsi wa Gatatu wa shampiyona.