Iyi kipe yahagurutse ku kibuga cy'indege i Kanombe mu gitondo cyo kuri uyu wa Kabiri tariki ya 3 Kamena 2025.
Ikipe y'Ingabo z'igihugu yajyanye abakinnyi 13 aribo;Obadian Noel,Chasson Jermar Randle,Nuni Omot,William Robeyns, Axel Mpoyo,Aliou Diarra, Jean Jacques Nshobozwa,Ousseynou Sambe,Dick Sano,Ntore Habimana,Justin Uwitonze,Dylan Kalecyezi Schomme na Youssoupha Ndoye.
APR BBC igiye mu mikino ya nyuma ya BAL 2025 nyuma y'uko ibaye iya kabiri mu itsinda rya Nile Conference ryakiniwe mu Rwanda igahita ikatisha itike.
Iyi mikino izabera muri Afurika y'Epfo kuva tariki ya 6 kugeza ku ya 14 Kamena 2025.
Amakipe umunani yabonye itike y’imikino ya nyuma azabanza gukina iyo gutondeka urutonde bityo hakamenyekana uko azahura muri ¼ . Ikipe ya mbere izahura n’iya munani, iya kabiri ihure n’iya karindwi, iya gatatu ihure n'iya gatandatu nahao iya kane ihure n’iya gatanu.
APR BBC ihagarariye u Rwanda izahura na Petro de Luanda ifite igikombe giheruka ku wa Gatandatu tariki ya 7 Kamena saa kumi.
APR BBC yajyanye n'Umunya-Sudani y’Epfo, Nuni Omot yaherukaga kongeramo kugira ngo azayifashe kwitwara neza nkuko yabigenje afasha Al Ahly kwegukana BAL ya 2023.
Youssoupha Ndoye ku kibuga cy'indege i Kanombe mbere yo kwerekeza muri Afurika y'Epfo
Nshobozwabyosenumukiza Jean Jacques Wilson yajyanye na APR BBC muri Afurika y'Epfo
APR BBC yerekeje muri Afurika y'Epfo
Uko imikino iteganyijwe