Antony uri gutuma abafana ba Manchester United bishima ku itako, ni muntu ki?

Aya makuru yagiye hanze kuri iki cyumweru aho Manchester United yemeye gutanga Miliyoni 100 z'amadorari kugira ngo ibone uyu musore w'imyaka 22 y'amavuko. Ajex yari imaze iminsi yanze Miliyoni 90 z'amadorali bari bayihaye ariko Manchester United yanga kuva ku izima yemera kugura uyu musore ukomoka muri Brazil.

Antony, amazina ye yose yitwa Antony Matheus dos Santos, akaba yaravutse tariki 24 Gashyantare 2000, avukira Osasco, São Paulo muri Brazil.

Urugendo rwe r'umupira w'amaguru ntiruraca mu nzira nyinshi kuko yatangiye gukinira mu gace yavukiyemo byanatumye ku myaka 10 gusa ajya mu irerero rya São Paulo. Mu 2018 yazamuwe mu ikipe nkuru, asinya amasezerano y'imyaka 5 yagombaga kumugeza mu 2023.

Tariki 23 Gashyantare Ajax yo mu Bohorandi yaje kugura uyu mukinnyi Miliyoni 20 z'amadorari imuha amasezerano y'imyaka 5, gusa birangiye abakiniye imyaka 2 gusa. 

Tariki 13 Nzeri ni bwo Antony yatsindiye Ajax igitego cya mbere mu mukino bahuragamo na Sparta Rotterdam

Mu ikipe y'igihugu ya Brazil, tariki 17 Kamena ni bwo yahamagawe bwa mbere aho yagombaga kwitabira imikino Olempike yabereye mu Buyapani ndetse baza kwegukana igikombe.

Mu masaha ari imbere ni bwo uyu musore ashobora gukora ikizamini cy'ubuzima

Yakinnye umukino we wa mbere mu ikipe nkuru ya Brazil tariki 7 Ukwakira 2021 mu mikino yo gushaka itike y'igikombe cy'Isi ubwo bakinaga na Venezuela. Yagiye mu kibuga asimbuye ku munota wa 77 ndetse anatsinda igitego cyatumye umukino urangira Brazil itsinze ibitego 3-1.

Uyu musore azwiho umuvuko uri hejuru akaba akinisha akaguru k'imoso cyane ariko agaca imbere iruhande rw'iburyo. Akina umupira ukomoka muri Brazil aho abanza gushimisha abantu ariko agamije gutsinda. São Paulo yayikiniye imikino 48 atsindamo ibitego 6 na ho Ajax asize ayikiniye imikino 57 atsindamo ibitego 18.

Bamwe mu bafana ba Manchester United ku mbuga nkoranyambaga