Uyu mugabo yamaze ibyumweru bitatu mu bitaro, arwana n’ibibazo byo kwibagirwa, ubwoba bukabije, no kugira impungenge zikabije, byose byatewe n’imirongo y’imirire yahawe na ChatGPT.
Abaganga banditse mu kinyamakuru kimwe cy’ubuvuzi muri Amerika batangaje ko uwo mugabo yagaragayemo bromism — indwara yari imaze igihe kirekire itazwi cyane — nyuma yo kwishyiriraho “igerageza ryihariye” ryo kugabanya umunyu mu mirire ye.
Aho gukoresha umunyu usanzwe wa "Sodium chloride", yawusimbuje "Sodium bromide", ikinyabutabire gifite uburozi cyahoze gikoreshwa nka 'Sedative pills' [imiti igabanya umunaniro w’ubwonko n’umubiri, igafasha umuntu gusinzira neza], ariko ubu gikunze gukoreshwa mu isuku y’amazi yo muri piscine.
Ibimenyetso bya bromism birimo uburwayi bwo mu mutwe, ibinyoma byiyoberanya, ibimenyetso ku ruhu, kuruka no kugira isesemi. Mu kinyejana cya 19, iyi ndwara yafatwaga nk’itera abantu bagera kuri 8% kujyanwa mu bitaro by’ubuzima bwo mu mutwe.
Ibi byabaye ibintu bidasanzwe ubwo uyu mugabo yari yageze mu gice cy’ubutabazi avuga ko mugenzi we ashaka kumwica. Mbere yaho, nta mateka y’indwara zo mu mutwe yari afite.
Abaganga, bibajije byinshi ndetse impungenge, bituma bipimisha ChatGPT ubwabo. Basanze iyo porogaramu yakomeje gushyigikira gukoresha 'Sodium bromide' nk’umunyu usimbura uwa kera, nta n’akantu kavuga ku ngaruka z’ubuzima.
Iyi nkuru yashyizwe ahagaragara mu kinyamakuru Annals of Internal Medicine, itanga impuruza ku buryo porogaramu z’ubwenge bw’ubukorano (AI) zishobora gutera “ingaruka z’ubuzima zishobora kwirindwa,” ikerekana uko inama zituruka mu mashini zishobora kugira ingaruka zikomeye ku buzima.
Daily Mail ivuga ko porogaramu za AI ziri kugaragaza amakosa. Umwaka ushize, bot ya Google yagiye itanga inama ivuga ko ushobora kuba muzima urya “amabuye” — inama yafashwe n’urubuga rw’amashusho y’ibitangazamakuru bisetsa.
OpenAI, ikigo cyo muri Silicon Valley cyakoze ChatGPT, cyatangaje ko ivugururwa rishya rya GPT-5 rishoboye gusubiza ibibazo by’ubuzima neza kurushaho. Umuvugizi w’iki kigo yavugiye kuri The Telegraph ati: "Ntukwiye kwishingikiriza ku bisubizo byacu nka kimwe cya nyacyo cyangwa nk’amakuru y’ukuri, cyangwa nk’igisimbura inama z’abaganga cyangwa abahanga mu by’ubuzima."
Ikindi, Dr. Paul Losoff, umuhanga mu by’imitekerereze, yerekanye ko kwishingikiriza cyane kuri AI bishobora kuba ikibazo gikomeye, cyane cyane ku bantu bafite impungenge cyangwa umunaniro mu mutwe. Yakanguriye abantu kutishingikiriza ChatGPT, avuga ko bishobora gukurura ibindi bibazo by’ubuzima bwo mu mutwe, birimo kwiheba, gutekereza nabi cyangwa kudatekereza neza.
Dr. Losoff yasobanuye ko abantu bashobora gusobanura nabi inama za AI bikaba byatera ingaruka mbi ku buzima bwabo. By’umwihariko, ku bantu bafite ibibazo bikomeye by’imitekerereze nko mu ndwara ya schizophrenia, bashobora gusobanura nabi inama za AI bakabikoresha mu buryo butari bwo.