Amavubi yitwaye neza mu mikino ya FIFA Series 2026 yo mu itsinda A ryakiniwe kuri Stade Amahoro. Yatsinze Grenada ibitego 4-0 ndetse anatsinda Estonia ibitego 2-0 ahita anegukana igikombe. Ibi byatumye ahita azamuka ku rutonde ngarukakwezi rwa FIFA.
Mu kwezi gushize, Amavubi yari ku mwanya wa 130 ariko kuri ubu ari ku mwanya wa 128. Muri rusange Amavubi afite amanota 1126.62 hakaba hiyongereyeho amanota 5.04.
Kuri uru rutonde kandi bwa mbere kuva muri 2018 ikipe y’igihugu y’u Bufaransa yongeye gusubira ku mwanya mbere ikaba yazamutseho imyanya itatu.
Ikipe ya kabiri ni Espagne, Argentine ikaba iya gatatu, u Bwongereza bukaba ubwa kane naho Portugal ikaba iya gatanu. Amakipe akurikiraho ni Brazil, u Buhorandi, Morocco, u Bubiligi n’u Budage.
Ku mugabane w'Afurika Morocco niyo ya mbere, Senegal ikaba iya kabiri, Nigeria ikaba iya gatatu, Algeria ikaba iya kane naho Misiri ikaba iya gatanu.
Amavubi yazamutseho imyanya ibiri ku rutonde rwa FIFA